Подмладување со липофилинг
Една од карактеристиките на младоста е затегната и витална кожа, полна со живот и свежина. Но со текот на годините, кожата ја губи виталноста и еластичноста, а за овој проблем специјалистите по естетска хирургија најдоа едноставно решение со аплицирање на специјално обработени масни клетки во пределот на лицето
Масните клетки имаат способност повторно да ја вратат виталноста на кожата. Предноста на липофилингот е во начинот на земање на масното ткиво од одреден дел од телото, најчесто томакот, и враќање на обработената содржина во друг дел од телото. Масното ткиво се вади внимателно со мали и специјални канили под негативен притисок, а потоа се центрифугира и се вбризгува во деловите на лицето каде е потребна корекција. За тоа кој е идеален кандидат за липофилинг, кога и како се прави, објаснува д-р Илија Мостров, специјалист по пластична и реконструктивна хирургија во Клиничката болница „Аџибадем Систина“.
