Најчестите прашања и стравови за анестезијата
Пред секоја хируршка интервенција голем број од пациентите стравуваат дали ќе се разбудат по анестезија и колку време ќе бидат во несвесна состојба. Стравот е уште поголем ако хирургот ви рече дека ќе треба да бидете под општа анестезија, која вклучува одземање на свеста. Сè зависи од тоа каква анестезија примате, колку долго ќе трае операцијата, каква е вашата здравствена состојба, колку години имате, но и од телесната тежина. Процентот на пациенти кои не се будат од анестезија е толку мал што овој страв е непотребен. Стравот се намалува по консултацијата на пациентот со анестезиологот, кој пред интервенцијата ќе му објасни сè во врска со анестезијата.
