Веќе 6 години го правиме истото што се прави и во западниот свет
Срцата на македонските граѓани се во иста состојба како и на пациентите во другите земји во моментот кога доаѓаат на операција. Но проблемот не е во срцето – проблемот е во луѓето, бидејќи македонските граѓани имаат пократок животен век дури и за 10 години! Овој проблем е многу комплексен, и не станува збор за генетика – тука воздухот е многу загаден, а начинот на исхрана е далеку од здрав, иако Македонија важи за голем производител на зеленчук, вели проф. д-р Салис Таџер, кардиоваскуларен хирург, кој веќе шест години има можност да „ѕирне“ во срцата, но и во крвните садови на пациентите од Македонија, изведувајќи кардиохируршки интервенции во Kлиничката болница „Аџибадем Систина“ во Скопје.
