Миењето на раце го чува вашето здравје
Миењето раце е најлесниот начин да се заштитите од инфекција. Тоа е еден од најдобрите начини да се спречат болестите и нивното ширење. За да ги измиете рацете потребно е само сапун и чиста вода или средство за дезинфекција на раце на база на алкохол – средство кое се употребува без вода.
Кога треба да ги миете рацете?
Со допирањето на луѓе, површини и предмети во текот на денот бактериите се пренесуваат на рацете. Со микроорганизми можете да се инфицирате доколку ги допрете очите, носот или устата. Иако е невозможно да ги избегнувате целосно бактериите, доколку ги миете често рацете можете да се заштитите од бактериите, вирусите и другите микроорганизми.
