Протеинот денес е актуелен поради голем број производи од житарици, бисквити, лебни производи – па дури и вода! Тој е „гориво“ кое бавно гори. Бидејќи протеинот подолго се вари, прави да се чувствувате сити: добри вести за луѓето кои се трудат да ослабнат. Протеинот е, исто така, одличен за вашите мускули, му помага на вашето тело да ги одржува.
Дали знаете колку протеини ви се потребени и кои се најдобрите извори на протеини? Ова се седум совети за да ја добиете вашата протеинска моќ.
1. Фокусирајте се на „основите“
Протеинот е составен од есенцијални и неесенцијални амино киселини. Комплетен извор на протеини е оној што ги содржи сите девет есенцијални амино киселини за да се задоволат потребите на човекот. Тука спаѓа сурутката (млечни извори), немасно месо, белки од јајца и соја.
2. 46-56 грама дневно
10 до 35 проценти од вашите дневни калории треба да бидат протеини во зависност од вашето здравје и физичка активност. Просечен здрав, возрасен човек треба да консумира 0.8 до 1.0 грама/кг протеини секој ден. Ова значи дека просечна жена која тежи 68 кг треба секојдневно да јаде 54-68 грама протеини. Најдобро е доколку континуирано јадете одредена количина на протеини секој ден, наместо да се прејадете еден ден па да избегнувате протеини во наредните неколку дена. Вашето тело обожава постојаност, особено кога станува збор за внесувањето протеини.
3. Протеините од животните се најважни
Ова значи дека протеините кои ги добивате од животинските продукти најлесно се апсорбираат и користат во вашето тело. На пример, 20 грама протеини од јајца носи повеќе протеини отколку истата количина протеини од растенија. Ова не значи дека не може да ги добиете неопходните протеини од растително потекло. Доколку јадете протеини од животинско потекло, вашето тело полесно ќе го искористи.
4. Освен протеин од животни, пробајте и други извори
Други извори на протеини се мешунките (суви зрна и грашок), ореви, семиња и млечни производи со мал процент на масленост како павлаката.
5. Земете ги предвид протеините во прав
Ова го препорачуваме на сите пациенти кои не ја сакаат да јадат храна богата со протеин. Бидете внимателни да не го користите протеинот од сурутка како додаток на оброк за да не ги зголемите килограмите. Користете го посебно или како замена за оброк.
6. Јадете протеин за да ги „согорите маснотиите“
Протеинот е „термогеник“. Ова значи дека ги согорува калориите кога се вари во желудникот. Споредено со многу други видови храна богата со јаглехидрати, протеинот има поголем термогенски ефект. Мислете на ова како да го пуштате вашиот дигестивен систем на лента за трчање.
