Се вели дека колку подолго, толку подобро бидејќи одлично е за варењето на храната и затоа секој залак џвакајте го повеќе од вообичаено.
Трудниците многу често својата состојба ја користат како изговор за прекумерно внесување на храна и зголемената телесна тежина. За да ги избегнете овие компликации како од естетски така и од здравствен аспект хранете се здраво и не се прејадувајте.
Не е вообичаено во текот на бременоста да бидете повеќе гладни отколку претходно. Но тоа им се случува на многу мајки. Не заборавајте вие јадете само за една личност со нормална големина и за уште една многу мала личност.
Никогаш не се прејадувајте!
Контролирајте се колку храна внесувате за време на оброците. Обидете се да се воздржите кога ќе посегнете по големи количини од тоа што најмногу го сакате. Сигнали на глад се кркорењето во стомакот, мачнина заради глад, болки во желудникот, малаксаност, тромавост. Овие знаци се јавуваат четири до пет часа по последниот оброк.
Се верува дека главни виновници за поголемото внесување на храна за време на бременоста се хормоните и стресните ситуации. Избегнувајте брза храна – тоа не е добро за вашето здравје, ниту за вашето новороденче. Секогаш пред оброкот практикувајте да јадете салата, освен што ќе внесете здрава храна богата со витамини вие ќе се заситите и помалку ќе консумирате од главниот оброк. Секој залак храна џвакајте го 10 пати.
