Голем број луѓе честопати свесно или не чкрипат со забите, а оваа појава медицински се нарекува бруксизам. Иако луѓето не ѝ обрнуваат големо внимание, чкрипењето може да направи голема штета на забите. Се појавува кај сите возрасти и не ги изостава ниту најмалите. Оваа лоша навика при која силно се притискаат или стругаат забите преку поместувањето на долната вилица од лево кон десно или напред назад често е поврзана со стресот, напнатоста, стравот, динамичниот начин на животот или замор. Внимавајте, доколку бруксизмот е честа појава може да предизвика и оштетување на забната супстанца, фрактура, но и искривување на забите и абнормалности при гризењето.
Зошто луѓето чкрипат со забите?
Луѓето најчесто чкрипат со забите за време на спиењето и поголем дел од луѓето не се ни свесни дека го прават тоа, а досадната главоболка или болката во вилицата следното утро е симптом кој сигнализира на бруксизам. Уште еден симптом кој укажува дека чкрипите со забите е и чувствителноста на забите од топло или ладно на џвакалните и секачки површини, намалување на забната супстанца, трошење на забите. Појавата на бруксизам освен стоматологот при редовниот преглед, може да ја забележи и вашиот партнер со кој ја делите спалната соба. Бруксизмот е ноќна парафункција која доведува до абразија на забите и пломбите и нивна преосетливост на термички дразби. Науката сè уште не дала одговор зошто при бруксизам има истовремена активација на мускулите отворачи и затворачи на устата.
Кога да побарате помош од стоматолог?
Доколку се сомневате дека чкрипите со забите, поразговарајте со вашиот стоматолог, тој ќе направи детален преглед на вашата уста и вилица, ќе ги препознае симптомите на бруксизам и ќе ве советува како да се справите со неа. Освен што ќе се погрижи да ги заздрави штетите настанати од досегашното чкрипење, тој ќе ги преземе сите потребни мерки за да го сопре понатамошното оштетување. Хроничното чкрипење најчесто резултира со раздвојување, олабавување или губење на забите. Потоа следува дентална рехабилитација вадење на забите, пломбирање и изработка на протетски конструкции. Кога ќе дојде до ова решение можат да бидат коронките, мостовите, имплантите и протезите. Zirconium неметалните коронки и мостови се совршен избор доколку имате скршен заб од чкрипењето. Со нивна помош ќе го коригирате обликот, бојата, големината и положбата на забите. Тие се изработуваат со компјутерски водената технологија CAD CAM постапка која е брза, едноставна и овозможува квалитетно и прецизно изработување.
Што да сторите за да го спречите чкрипењето со забите?
Избегнувајте стресни ситуации, правете редовни стоматолошки прегледи, водете квалитетен живот и исфрлете го стресот преку вежбање. Во поголем дел од случаите доколку бруксизмот не е честа појава не предизвикува сериозни компликации, но доколку веќе долго време чкрипите со забите покрај оштетувањето на забите можат да се појават и главоболки и болки во зглобовите на устата. Како превенција за вашите заби вашиот стоматолог може да ви изработи „mouth guard“од силикон по ваша мерка. Тој ќе го намали притисокот кој вие несвесно го правите врз забите за време на спиењето. За смирување можете да земате и B комплекс.
