Сонот позитивно влијае на здравјето поради многу причини, го одмара телото и ги ослободува токсините од мозокот. На секој организам, независно од годините му е потребен оптимален седум до осум часовен одмор. Здравиот сон зависи од многу фактори – од дневните активности, настани, чувства и емоции. Иако со годините имате чувство дека може да функционирате добро и со помалку часа сон, сепак хроничното нарушување на сонот сериозно може да влијае на квалитетот на живот.
Што ве држи будни?
Речиси сите медицински состојби може да бидат причина за нарушување на нормалниот сон. За почеток, сменете ги лошите навики кои се непријател на вашиот сон. Ова се само неколку совети кои може да ви овозможат подобар и поквалитетен сон.
- Ограничете го дневното спиење
- Избегнувајте тежок оброк пред да си легнете
- Најмалку еден час пред да одите во кревет не се оптоварувајте со мобилен, телевизор, компјутер…
- Одвоете време да прочитате добра книга, релакисрајте се со тивка музика или топла бања.
- Одржувајте оптимална температура на собата во која спиете. Не спијте во премногу затоплена просторија.
- Не пијте многу течности пред да заспиете.
- Доколку станете во текот на ноќта и неможете да продолжите со спиење, не се оптоварувајте да заспиете по секоја цена. Наместо тоа, станете од креветот се додека не почувствувате дека повторно може да заспиете
Доколку ви треба подолго време за да заспиете, се будите повеќе пати во тектот на ноќта и не можете да продолжите да заспиете, се будите рано наутро и се чувствсуате уморни и покрај тоа што сте спиеле потребно е да се консултирате со вашиот доктор. Бидете посебно внимателни кон сопственото здравје доколку ваквата состојба трае со недели.
Од голема важност е да ја откриете причината за несоницата. Во спротивно, доколку истата трае може да доведе до депресија, намалено расположение, проблеми со помнењето и концентрација, како и намалена способност за извршување на секојдневните активности.
