Доколку имате дијагностициран канцер на едниот бубрег не значи дека и другиот бубрег ќе биде зафатен со малигната болест. Главна грижа на пациентите со малигна болест e дали канцерот ќе се рашири и што ќе се случи доколку се случи? За среќа, канцерот на бубрег кај најголем број од пациентите не го зафаќа другиот бубрег.
Како вообичаено се шири канцерот?
Главно канцерот се шири на следниве три начини:
– Преку лимфниот систем до најблиските лимфни јазли
– Преку крвната циркулација најчесто се шири до црниот дроб, белите дробови, мозокот и коските
– Ширење во локалните ткива
Бидејќи бубрезите не се анатомски еден до друг, шансите за ширење на канцерот од еден до друг бубрег се значително мали. Можноста за ширење на канцерот зависи и од големината и стапката на раст. Туморите кои се со поголема димензија и кои растат побрзо имаат поголема шанса да се рашират и во другите органи. Раната дијагноза е клучен фактор во превенирањето на ширење на туморот.
Што да очекувате ако имате канцер на бубрег?
Третманот на канцерот може да оди главно во две насоки:
Следење на туморот
Доколку туморот е бенигнен или доколку поради напредната возраст докторот одлучи да не се примени хируршко лекување на туморот, во тој случај потребно е туморот да се следи со цел да се види како напредува.
Хирургија
Главниот третман кај помлади и витални пациенти е хируршкиот. Најдобар избор доколку туморот е со мали димензии е минимално инванзивна хирургија каде преку мал отвор се отстранува туморот. Доколку туморот е голем, се применува радикална нефректомија, каде хирургот го отстранува туморот, бубрегот и околното ткиво.
Одредени генетски болести го зголемуваат ризикот
Во особено ретки случаи, можно е канцерот да се прошири од едниот на другиот бубрег, или вториот бубрег да развие малигна болест сама по себе. Ваквата состојба може да се јави кај одредени генетски нарушувања кои го зголемуваат ризикот за појава на канцер на двата бубрега во исто време.
