Сте се запрашале ли како минува денот на луѓето кои се грижат за сопственото здравје и имаат здрави навики. Дали навистина тоа го практикуваат секојдневно или прават отстапки. Прочитајте ги седумте топ навики на луѓето со здрав стил на живот и, што е поважно, почнете да ги практикувате уште од денеска.
Секогаш имаат појадок
Појадокот е важен од повеќе причини. Го стартува метаболизмот и ве штити од прејадување во текот на денот. Истражувањата покажале дека луѓето кои појадуваат наутро покажуваат подобри резултати на работа, а децата кои имаат утрински оброк добиваат подобри оцени на тестовите. Доколку не можете наутро да изеде цел оброк, доволно е да изеде неколку парчиња овошје. Најважно е да не го прескокнете појадокот.
Ги планираат оброците
Планирањето на тоа што сакате да го јадете гледано на долг рок ќе ви заштеди и време и пари. Она што е и најважно, ќе направи да јадете здрава храна, а ќе ве оттргне од грицкањето чипс, јадењето брза храна и внесот на вишок калории. Навикнете се сами да ги подготвувате оброците, така ќе имате контрола врз тоа што го јадете.
Пијат многу вода
Пиењето вода е број еден приоритет за здравјето. На тој начин ќе бидете доволно хидрирани, а и ќе ви помогне да ја намалите тежината. Зошто водата е идеален пијалак за секого? Соковите кои содржат шеќер се директно поврзани со прекумерна дебелина и дијабетес тип 2. Доколку немате навика да пиете обична вода, тогаш додадете неколку капки лимон или портокал.
Прават пауза и вежбаат
Пред да си го направите следното кафе, станете од вашето столче и истегнете се. Тоа е добро за вашите тело и ум. Ист ефект има и пешачењето. Половина час пешачење петпати во неделата е идеално спротивставување на 8-часовното седење на работното место.
Го исклучуваат интернетот
Иако само со еден клик ќе ги видите новите слики на пријателите и роднините и ќе дознаете што е ново во светот, направете пауза и бидете „offline“. Трудете се попладневните часови да ги поминете во разговор со пријателите, читајте книга, прошетајте…
Учат нови вештини
Новите вештини помагаат да го одржувате мозокот активен. Запишете се на танцување, бидете дел од некоја креативна работилница, научете нов јазик. Менталната гимнастика го намалува процесот на стареење.
Не пушат
Не почнувајте да пушите, а доколку веќе уживате во оваа лоша навика, прекинете уште денеска. Истражувањата покажуваат дека телото брзо може да се навикне на новата промена. Дури 20 минути по последната цигара, во телото се случуваат нови здрави промени.
