Доколку сте го победиле канцерот, треба да прославите. Но, она што многу лица кои се излекувале не го знаат е дека 25 % од луѓето кои преживеале некаков карцином подоцна во животот развиваат метастази на мозокот. Овие мозочни метастази не потекнуваат од мозокот туку се всушност канцерогени клетки од првичниот тумор кои преку крвта патуваат до мозокот. Според докторите, оваа состојба се нарекува метастази во мозокот.
Околу една третина од пациентите со најчестите видови канцер како што се карциномот на белите дробови, дојките, бубрези или меланома имаат ризик да развијат метастази на мозокот. Раната детекција може да им помогне на луѓето навремено да го добијат вистинскиот третман и да избегнат сериозни компликации.
Внимавајте на следниве 9 знаци
Доколку сте имале канцер и ви се појават следниве симптоми, веднаш информирајте го вашиот доктор:
1.Промени во видот (гледате двојно или делумно го губите видот)
2.Главоболки (проследени со гадење)
3.Вкочанетост или болки во одредени делови од телото
4.Парализа или потешкотии со движење на некој дел од телото
5.Неспособност за одење
6.Потешкотии со рамнотежата и често паѓање
7.Потешкотии при зборување
8.Проблеми со ментална способност (како читање)
9. Напади и тресење
Метастатските промени на мозокот се развиваат постепено, но може да настанат и екстремни епизоди. Без разлика на сè, најважно е да го информирате вашиот доктор веднаш за да може навреме да постави дијагноза и третман.
Мозочните метастази може да се лекуваат
Со години докторите веруваа дека мозочните метастази се фатални. Благодарение на напредокот на медицината и технологијата, денеска тие се лекуваат со хирургија, зрачна терапија и хемотерапија. Успехот од лекувањето зависи од раното откривање.
