Çfarë nëse doktori vëren diçka të çuditshme në gjirin tuaj gjatë kryerjes së mamogramit?
Sigurisht që ekziston frika e këtij skenari dhe askush nuk dëshiron që t’i ndodhë diçka e tillë.
Por ekzistojnë fakte të cilat nëse i dini, ndoshta do t’ju qetësojnë sadopak. Shumica e anomalive që shfaqen në mamogram, nuk kanë të bëjnë me kancerin e gjirit.
Disa anomali të cilat shfaqen në mamogram, kërkojnë kontrolle të mëtejshme. Me kontrollet shtesë ( teknikë të imazhit, biopsi) shumica e anomalive konfirmohen si inde normale të gjirit apo si beninje (inde jo kancerogjene).
Çfarë është mamogrami?
Shoqata Amerikane e Kancerit, rekomandon që gratë të kryejnë kontrolle të rregullta mamografike një herë në vit, pas moshës 40 vjeçare. Nëse keni nevojë për mamografi skrining, këtë e vendosni ju dhe mjeku juaj. Nëse jeni mbi moshën 40 vjeçare, konsultohuni me mjekun tuaj në mënyrë që t’ju informojë se kur duhet të filloni të kryeni mamografi skrining.
Skriningi mamografik nënkupton regjistrimin e dy gjinjvenë dy pozicione të ndryshme: nga poshtë –lart dhe nga njëra anë drejt anës tjetër. Tek rezultatet e mamografisë, indi i gjirit shfaqet me ngjyrë të bardhë dhe të paqartë, ndërsa indi yndyror është i errët dhe transparent.
Anomali potenciale mund të gjenden tek 11% e grave të cilat kryejnë kontrolle mamografike. Ky grup i vogël i grave i nënshtrohen kontrolleve të mëtejshme të cilat përfshijnë mammogram diagnostik, biopsy dhe ultratinguj të gjirit. Nga 20% deri në 50% e këtyre grave ju diagnostifikohet kancer i gjirit.
Mamogrami ka një saktësi nga 85 % deri në 90%. Ky aparat mund t’i zbulojë anomalitë në gji para se këto të fundit të fillojnë të përhapen.
