Дури и во моментот пред да се обидете да забремените, добро е да почнете да преземате превентивни чекори кои ќе влијаат позитивно на здравјето на вашето идно бебе. Најпрвин започнете со внесување на 400 микрограми фолна киселина дневно. Фолната киселина може да се најде во зелената салата, цитрусните плодови и гравот, додека некои жени земаат таблети со цел да ги задоволат потребните количини. Фолната киселина помага во превенцијата од сериозни нарушувања на плодот уште пред да забремените.
Најдобро би било редовно да посетувате доктор неколку месеци пред да забремените со цел да се консултирате околу одредени вакцини и испитувања кои би ви биле корисни, да започнете со пренаталната витаминска терапија и како да ја контролирате моменталната здравствена состојба.
Потоа, задолжително посетете го вашиот стоматолог. Стоматологот може многу да ви помогне во здравата бременост. Пред да забремените уверете се дека вашите заби и непца се здрави. Тоа е добро за здравјето на вашето бебе, но и за вашата насмевка. Бременоста може да го зголеми ризикот од заболување на вашите непца, а ова заболување може да го зголеми ризикот од предвремено породување.
Покрај овие работи, потрудете се одржувате здрава телесна тежина. Слабите жени потешко забременуваат, додека оние со прекумерна тежина во бременоста може да имаат некои здравствени проблеми, како што се дијабетесот и покачен крвен притисок.
Исто така, потрудете се вежбањето да ви стане навика. Доколку сте во форма полесно ќе се чувствувате за време на бременоста. Редовното вежбање, возење велосипед, трчање или пливање од 30 минути во текот на денот се препорачуваат во пренаталниот период.
Од друга страна внимавајте на количината на кофеин која ја внесувате и престанете со пушењето и со алкохолните пијалаци. Една шолја кафе во денот не би му наштетила на вашиот плод, но сепак не претерувајте. Пушењето за време на бременоста и во пренаталниот период го зголемува ризикот од предвремено породување и раѓање на плод со мала телесна тежина. Најдобро е комплетно да го исклучите алкохолот од вашето мени, доколку планирате да забремените. Консумирањето алкохолни пијалаци во овој период и во периодот на бременоста може да предизвикаат многу нарушувања на плодот.
