Madje edhe gripi më i zakonshëm na bën të të ndihemi keq dhe të qëndrojmë shtirë në shtrat. Organizmi është ende i ambientuar me temperaturat e ditëve të nxehta, ndërkohë që papritmas temperaturat jashtë ndryshojnë dhe organizmi ynë i përjeton të gjitha temperaturat e vitit në një ditë të vetme, prandaj dhe në këtë periudhë të vitit gripi është gjithnjë dhe më i pranishëm. Kjo ndodh si rezultat i rënies së imunitetit, gjë e cila bën që organizmi të mos jetë në gjendje t’iu kundërpërgjigjet viruseve. A e dini se përqafimet dhe puthjet ju bëjnë më rezistent ndaj griprave? Lexojini dhe praktikojini këto gjëra të thjeshta të cilat do t’ju ndihmojnë në forcimin e imunitetit.
Hudhra ka një fuqi të pabesueshme
Studime të shumta kanë treguar se hudhra është ushqimi numër 1, i cili ndihmon në forcimin e sistemit imunitar. Jo vetëm që ju mbron ndaj gripit, por edhe i lehtëson simptomat në rast se tashmë jeni të prekur nga gripi.
Përballuni me stresin
A e dini se stresi mund ta zvogëlojë imunitetin në mënyrë tepër të shpejtë?
Edhe pse kjo është individuale, gjithësesi, menaxhimi i stresit me anë të kryerjes së ushtrimeve, me anë të meditimit, ecjes, si dhe me anë të socializimit me miq, e ruan imunitetin e organizmit në nivel optimal.
E qeshura është ilaçi më i mirë
E qeshura me zë të lartë është ilaçi më i mirë. Studimet e mjekësisë alternative, kanë treguar se e qeshura me zë të lartë, ndihmon në lehtësimin e stresit dhe rrit numrin e qelizave të bardha të gjakut të cilat janë përgjegjëse për luftimin e sëmundjeve. E qeshura përmirëson edhe funksionin e zemrës dhe në këtë mënyrë dërgon më tepër oksigjen në qeliza.
Të kënduarit i zvogëlon hormonet e stresit
Hulumtimet e marra nga qendrat për kancer në botë, kanë treguar se sistemi imunitar tek pacientët me sëmundje malinje të cilët këndojnë në kor përgjatë një ore. Studimet kanë treguar se të kënduarit zvogëlon sekretimin e hormoneve të stresit dhe rrit aktivitetin e sistemit imunitar.
Uji është burimi i jetës
Harrojini lëngjet me sheqer dhe zëvendësojini ato me ujë. 80% e trupit tonë përbëhet nga uji. Mos lejoni që të arrini deri në gjendje të dehidratuar, pasi kjo gjendje është stres për organizmin, dhe rezulton me uljen e aktivitetit të sistemit mbrojtës.
Sa më tepër miq, më pak sëmundje
Qëndrimi në shtëpi nuk do t’ju bëjë rezistent ndaj griprave. Hulumtimet e universitetit Carnegie Mellon kanë treguar se personat të cilët kanë shumë miq, janë më pak të prekur nga griprat. Numri i madh i miqve është i lidhur me vetkontroll më të mirë dhe me vetëbesim e cila ndihmon në nxitjen apo inkurajimin e zakoneve të shëndetshme në përgjithësi.
Bëni gjumë 8-të orarësh
Përsa i përket rolit që luan gjumi i mirë në luftën kundër gripit apo sëmundjeve sezonale, këtë gjë e ka treguar edhe studimi i kryer nga Universiteti i Çikagos. Studimi ka treguar se organizmi i personave të cilët përgjatë një jave bëjnë 4 orë gjumë çdo natë , ka dhënë përgjysëm më pak antitrupa në krahasim me personat që flenë 8 orë.
