Intervenimet për montimin e endoprotezave në këllk, janë ndër intervenimet operative më të shpeshta në ortopedi. Historia e këtij lloj operacioni është shumë e gjatë, dhe ndryshon në mënyrë drastike që nga fillimi deri tek ajo që sot dispohohet sipas kohës moderne. Me materialet e reja si dhe me metodat e reja më pak invazive të opermit, rehabilitimit dhe jetës normale të pacientit të operuar, arrihet për një periudhë tepër të shkurtër. Pasi të ketë përfunduar periudha e nevojshme e adaptimit të pacientit, që sot është 2-3 muaj, ai është i aftë për një jetë të përditshme normale.
Këllku artificial nuk është aftësi e kufizuar
Pacientët të cilët kanë të montuar endoprotezë artificiale në këllk mund të ngasin automjet pa problem, mund të notojnë, të ngasin biçikletë, si dhe mund të merren me sporte të lehta. Sigurisht, ajo ndaj të cilës duhet të tregohen të kujdesshëm është praktikimi i punëve të rënda fizike, domethënë, të mos ngrini pesha të rënda, si dhe nuk duhet të angazhoheni me sporte profesionale të rënda. Pas një periudhe të caktuar gratë mund të veshin edhe këpucë me taka, por jo vazhdimisht dhe jo tepër të larta. Zëvendësimi artificial i këllkut nuk ju përjashton nga kryerja e përditshme e punëve të shtëpisë.
Endoprotezat qeramike janë një benefit i vërtetë për pacientët
Tendenca e ortopedisë moderne si dhe e kirurgjisë së përgjithshme, është që materialet të cilat përdoren për montim apo zëvendësim artificial, të jenë sa më tepër të ngjashme me atë natyral. Niveli që deri më tani ka arritur shkenca është prodhimi i endoprotezës qeramike. Avantazhi i protezave qeramike në krahasim me ato standarde është fakti se qeramika është një material më inert dhe fërkimi është shumë më i vogël në krahasim me materialet e tjera standarde, gjë e cila është thelbësore për funksionimin dhe qëndrueshmërinë e tyre. Qeramika, me cilësinë e saj fizike dhe kimike është i vetmi material artificial i ngjashëm me kërcin njerëzor, ka më tepër biokompatibilitet dhe nuk shkakton reaksione alergjike.
Trajtimi minimalisht invaziv mbron muskujt
Metoda minimalisht invazive e cila përdoret për montimin e endoprotezave në këllk, bën të mundur mbrojtjen e indit biologjik, dhe sëbashku me të përmirësohet edhe funksioni i nyjes (kyçit). Për shkak të këtij fakti, në ortopedi përdoren metoda operative minimalisht agresive kundrejt muskujve dhe strukturave të tjera të kyçit. Kirurgjia minimalisht invazive e këllkut, mundëson ruajtjen maksimale të muskulaturës. Këto përparësi të materialit qeramik, dhe metodës minimalisht invazive, mundësojnë shërimin dhe rehabilitimin më të shpejtë të pacientit.
