Kanceri në mushkëri është kanceri i cili kryeson sipas numrit të vdekjeve. Shkak për këtë është diagnostikimi i vonë i tij. Skriningu, i cili është një praktikë e rregullt në shumë vende, është mënyra më e mirë për gjetjen e diagnozës në kohë. Zbulimi në fazë të hershme rrit në mënyrë të ndjeshme mundësitë për shërim. Në vijim, Prof. Dr. Zoran Trajkovski, radiolog në spitalin klinik “Acibadem Sistina”shpjegon në mënyrë më të detajuar programin skrining për shqyrtimin e këtij lloj kanceri.
Diagnoza e hershme me anë të tomografisë kompjuterike
Programi skrining përdoret për regjistrimin/filmimin e atyre pacientëve të cilët bëjnë pjesë në grupin e rrezikut, duke përdorur doza të ulëta të rrezatimit. “Kanceri në mushkëri është një sëmundje serioze, e cila nëse nuk zbulohet në kohë, rezulton me vdekje. Me zbulimin e tij në kohë, rritet në mënyrë të ndjeshme mundësia për tu shëruar dhe mbijetuar. Programi skrining për shqyrtimin e kancerit të mushkërive është mënyra më e mirë për zbulimin e sëmundjes. Në Amerikë ky skrining është vënë në zbatim dhe pritet që të reduktohet numri i rasteve të vdekshmërisë” – shpjegon Prof. Dr. Trajkovski.
Tek cilët persona përdoret skriningu?
Programi skrining përdoret për personat të cilët kanë rrezik më të madh për tu prekur nga një sëmundje e tillë. Sipas Prof. Dr. Trajkovskit, në këtë grup bëjnë pjesë:
- Personat mbi moshën 55 – 80 vjeçare
- Personat të cilët janë aktivë në pirjen e duhanit si dhe ata të cilët kanë hequr dorë nga pirja e duhanit, por që e kanë konsumuar atë për një kohë të gjatë.
- Personat të cilët para 5 vitesh janë shëruar nga kanceri në mushkëri
- Personat të cilët në familjen e tyre kanë pasur anëtarë të familjes të prekur nga kanceri në mushkëri
- Personat të cilët janë të sëmurë nga mushkëritë (sëmundje kronike obstruktive pulmonare, bronkit kronik, emfizemë, ekspozim ndaj azbestit).
Skrining në “Acibadem Sistina”
Spitali klinik “Acibadem Sistina” disponon aparatin e sofistikuar të tomografisë kompjuterike, i cili përdorë dozë të rrezatimit më të vogël deri në 40%. Në këtë aparat është i instaluar një program i veçantë, me anë të të cilit rrezatimi lëshohet në dozë shumë të ulët për shqyrtimin e sigurt të kancerit në mushkëri.
Në rast se i vëreni simptomat e mëposhtme, paraqituni menjëherë tek mjeku
Në shumicën e rasteve, simptomat e kancerit në mushkëri shfaqen në një fazë më të vonë. Nëse vëreni ndonjë nga simptomat e mëposhtme, menjëherë duhet të konsultoheni me mjekun tuaj:
- Kollë e cila nuk kalon për një kohë të gjatë
- Kollë kronike
- Kollë e shoqëruar me gjak
- Ju merret fryma
- Keni vështirësi në frymëmarrje
- Ngjirje të zërit
- Humbje të menjëhershme të peshës trupore
- Dhimbje të kockave
- Dhimbje koke
