Најверојатно, и претходно ја знаевте формулата дека доколку сакате да ослабете треба да јадете помалку, да вежбате повеќе. Неколку едноставни промени во начинот на вашиот живот можат да ве доведат до целта, а ние ви ги претставуваме најефикасните.
Внесувајте повеќе од 1200 калории дневно
Звучи контрапродуктивно, но со внесот на помалку од 1200 калории дневно всушност го забавувате слабеењето. Кога јадете многу помалку отколку што му е потребно на вашиот организам, тој може да влезе во фазата на прегладнување и да почне да ги складира мастите.
На пример, на една жена повисока од 155 центиметри, која е умерено активна, потребни ѝ се околу 1400 до 1700 калории дневно кои треба да потекнуваат од разноврсни намирници од типот на јаглехидрати богати со влакна (интегрални житарки, овошје и зеленчук), немасно месо (риба, пилешко, јунешко), како и здрави масти (јаткасти плодови, семки, масло од авокадо и маслинки).
Кревајте тегови
Истражувачите сметаат дека мускулестите луѓе согоруваат од 20 до 40 калории по килограм мускул дневно, а само 2 до 4 калории по килограм сало. Тоа значи дека ако држите диета и не правите редовни напорни тренинзи, голема е веројатноста дека 25% од губитокот на вашите килограми ќе биде оној од мускулите.
Доколку сакате да го забавите вашиот метаболизам, тренирајте користејќи сила два до трипати во неделата, и тоа на сите мускулни групи.
Бидете во движење
Доколку во текот на целиот ден сте во движење, тогаш ќе имате и побрз метаболизам. Што помалку седите, тоа побрзо ќе ослабете. Дневната активност можете да ја подобрите со тоа што почесто ќе ги користите скалите од лифтот, ќе пешачите до работното место или ќе прошетате на паузата за ручек.
Јадете алги
Одамна се знае дека зелениот чај делува како „согорувач на мастите“. Сличен ефект имаат и алгите. Фукоксантинот е еден од состојките на алгите кој им ја дава зеленкаво-кафената боја, а покажал и добри резултати во регулирањето на тежината на животните.
Додавајте оцет во салатата
Оцетната киселина може да влијае врз гените кои го стимулираат согорувањето на маснотиите. Всушност една студија покажува дека луѓето кои редовно консумираат оцет имаат помала телесна тежина, понизок процент на телесни масти и ниво на триглицериди од лицата кои не ја консумираат оваа намирница.
Јадете риба
Омега 3 масните киселини, полинезаситените масти, кои се наоѓаат во рибиното масло можат да направат чудо од вашиот метаболизам.
Рибиното масло го поттикнува согорувањето на маснотиите преку зголемување на ефективноста на хормонот на тироидната жлезда во клетките на црниот дроб.
Потрудете се да јадете риба барем двапати во неделата.
Менувајте го внесот на калории
Доколку постојано внесувате ист број калории, вашето тело може да се „успие“ и да го забави метаболизмот. Потрудете се неколку недели да се храните со што помалку маснотии, потоа да го зголемите внесот на протеини, па на масти и јаглехидрати.
Јадете лубеница
Арганинот, аминокиселината во омилената летна закуска не само што ги согорува мастите туку го спречува нивното таложење. Покрај тоа, оваа состојка е задолжена да го контролира нивото на шеќер во крвта и да го поттикнува растењето на мускулите.
Секогаш избирајте органска храна
Научниците ги посочуваат хемиските конзерванси како најголеми виновници за епидемијата на угоеноста.
