Потребни состојки:
– 1 мала краставица
– 1 поголемо авокадо
– 2 парчиња млад кромид
– 2 чешниња лук
– 1 мало феферонче
– 2 стапчиња целер
– Сок од ½ лимон
– 250 грама густ немасен јогурт или павлака
– Морска сол, свежо смелен бибер, ситно сечкани листови нане по вкус
Начин на подготовка:
Целиот зеленчук, освен авокадото, измијте го, ситно исечкајте го и ставете го во поголем длабок сад. Авокадото исечете го на половина, па потоа на ситни коцки и прелијте го со лимуновиот сок.
2/3 од исечканото авокадо ставете ги во садот со другите зеленчуци, а останатото оставете го за декорација.
Додајте јогурт или кисела павлака, посолете и побиберете по ваш вкус. Сето тоа лесно измешајте го и послужете ја салатата ладна.
