Arsyeja e shfaqjes së kësaj sëmundje nuk është ende e njohur. Mjekët thonë se kanceri i gjirit shfaqet kur disa qeliza rriten jashtë normales. Këto qeliza përhapen shumë më shpejtë nga ato të shëndetshmet dhe akumulohen duke formuar një gungë apo masë dhe të njejtat mund të përhapen nëpër gji në nyjet limfatike ose në pjesë të tjera të trupit.
Kanceri i gjirit zakonisht formohet ose nis tek qelizat të cilat janë të vendosura tek kanalet të cilat prodhojnë qumësht (kancer duktal invaziv). Kanceri i gjirit gjithashtu mund të formohet tek gjendrat e indeve të quajtura (kancer lobular invaziv), ose në qelizat e tjera në gji.
Studiuesit vazhdimisht identifikojnë gjëra të cilat mund të rrisin rrezikun e kancerit të gjirit. Por, ende nuk është e qartë përse tek personat të cilët nuk tregojnë asnjë faktor rreziku zhvillohet kanceri, ndërsa tek personat të cilët kanë më shumë faktorë rreziku asnjëherë nuk zhvillohet kanceri. Gjithësesi, është e qartë se kanceri i gjirit zhvillohet si rezultat i bashkëveprimit kompleks të faktorëve gjenetik në mjedisin tuaj të përditshëm.
Kanceri i gjirit i trashëguar
Mjekët vlerësojnë se vetëm 5% deri në 10% e rasteve të kancerit të gjirit, janë të lidhura me mutacione të gjeneve të cilat kanë kaluar nga një brez në brezin tjetër. Këhët e fundit është identifikuar një numër i madh i geneve të mutuara të cilët mund të rrisin rrezikun e shfaqjes së kancerit. Më të përhapur janë kanceri i gjirit ‘gjen 1’ ( BRCA 1) dhe kanceri i gjirit ‘gjen 2’ ( BRCA 2), të dyja këto rrisin rrezikun e shfaqjes së kancerit të gjirit dhe vezoreve.
Nëse keni ndonjë histori familjare të rëndë lidhur me kancerin e gjirit apo tjetër kancer, analizat e gjakut mund të ndihmojnë në identifikimin e mutacioneve të BRCA apo të gjeneve të tjera të cilat janë trashëguar nga një brez në në brez tjetër.
Nëse doni t’i verifikoni rreziqet në mënyrë më të detajuar, kërkoni nga mjeku t’ju japë një rekomandim të dokumentuar për te këshilltari mjekësorë gjenetik i cili do t’a shqyrtojë mirë historinë tuaj familjare. Me të ju do të mund të bisedoni në lidhje me përfitimet, rreziqet dhe kufizimet lidhur me testimin gjenetik.
