Në spitalin klinik “Acibadem Sistina” gjatë trajtimit të pacientëve me sëmundje malinje merr pjesë një ekip mjekësh me qasje multidisiplinare me qëllim për të siguruar trajtim individual për çdo pacient.
Te gratë, karcinomi i gjirit është lloji më i shpeshtë i sëmundjes malinje, dhe me këtë edhe shkaku më i shpeshtë për vdekje nga sëmundjet malinje te kjo popullate. Ky lloj sëmundje malinje mund të trajtohet me terapi sistemike ( kimioterapia, terapia hormonale dhe terapia biologjike) dhe me radioterapia si trajtim lokal, shpjegon Dr. Sllavica Kraleva, onkolog në spitalin klinik “Acibadem Sistina”.
Në spitalin Klinik “Acibadem Sistina”, radioterapia kryhet me akcelerator bashkëkohor linear Trylogy , që mundëson rrezatimin e saktë dhe preciz të indit tumoral. Njëkohësisht gjatë trajtimit radioterpeutik bëhet kujdes për komoditetin e pacientit i cili është shumë i rëdnsëshëm për radioterapinë e nevojshme adekuate. Në mënyrë shtesë parasysh mund të merret:
lëvizja e organeve në pacientin për shkak të frymëmarrjes gjatë çdo rrezatimi si dhe ndryshimit të formës së konturës së trupit të pacientit (për shkak të zvogëlimit të tumorit nëse gjendet në afërsi të lëkurës, përkatësisht nën ose në lëkurë) ose për shkak të ndryshimit të peshës trupore gjatë trajtimit radioterapeutik që zgjat disa javë.
Dr. Kraleva thekson se trajtimi me radioterapi përdoret në trajtimin e sëmundjeve malinje pothuajse për të gjitha lloje por përdoret edhe te sëmundjet beninje. Me këtë lloj trajtim arrihet kontrolli në rritjen e qelizave malinje ose gjatë shkatërrimit të tyre të tërësishëm. Sipas saj, radioterapia është një lloj trajtim që përdoret gjatë trajtimit të karcinomit dhe ka për qëllim ta pengojë përsëritjen e tij. Zbatohet në këto raste:
- Para fillimit me trajtim operativ me qëllim të zvogëlimit të tumorit.
- Pas trajtimit të kryer me qëllim të shkatërrimit të qelizave të mbetura malinje pas operacionit.
- Me qëllim paliativ kur shërimi nuk mund të arrihet dhe qëllimi i këtij trajtimi është zvogëlimi i simptomave të shkaktuara me tumorin.
Radioterapia si trajtimi lokal mund të kombinohet me çdo terapi sistemike ( kimioterapia, terapia hormonale dhe terapia biologjike. Dr. Kraleva shpjegon se rrezet me energji të lartë që përdoren gjatë radioterapisë shkaktojnë dëmtimin e ADN të qelizave malinje, me çka pengojnë mundësinë e tyre për t’u përhapur, duke shkatërruar qelizat zvogëlohet tumori. Qelizat e shëndosha për dallim nga qelizat tumorale kanë aftësi për ripërtëritje nga dëmtimi i shkaktuar nga radioterapia. Ajo paralajmëron se edhe gjatë radioterapisë mund të paraqiten disa reagime të padëshiruara, që janë pasojë të dëmtimit të qelizave të shëndosha gjatë trajtimit. Reagimet e padëshiruara janë kumulative dhe zakonisht paraqiten në fazat e vonshme të trajtimit. Mund të jenë në formë të butë ose më të forta dhe varen nga madhësia e tumorit, lokalizimi i tij dhe gjendja e përgjithshme e pacientit, stadiumi i sëmundjes dhe nga trajtimi që do të zbatohet (trajtim në kombinim me kimioterapinë). Reagimet më të shpeshta të padëshiruara gjatë radioterapisë janë iritimi në lëkurë në regjionin që rrezatohet dhe lodhje. Reagimet e tjera të padëshiruara varen nga regjioni që nënshtrohet trajtimit rrezatues, rënia e përkohshme e flokëve, ( gjatë rrezatimit të kokës), probleme urinare (nëse është përfshirë legeni i vogël), thatësi dhe dhimbje në fyt (nëse rrezatohet edha qafa).
Radiokirurgjia është një teknikë bashkëkohore që me rezultatet e veta kontribuon të barazohet me kirurgji dhe paraqet zëvendësim për operacion të tumoreve të caktuara. Si teknikë e veçantë në radhioterapinë ajo është efikase, precize submilimetare dhe zbatohet në një periudhë të shkurtër kohore me një numër të vogël të rrezatimeve ( fraksione) dhe doza shumë të larta. Me këtë arrihet doza maksimale në tumorin me mbrojtje të njëkohshme maksimale të indit të shëndosh.
