Промена на бенките аларм за меланом
Кај околу 50% од луѓето во текот на животот барем еднаш се развила некоја претканцерогена промена на кожата, a истражувањата покажуваат дека 70% од луѓето не ги препознаваат предупредувачките знаци. Меланомот е најтешкиот облик на карцином на кожа и со најголема смртност од сите кожни малигни болести. Потекнува од клетките наречени меланоцити. Меланомот е отпорен на зрачење, а хемотерапијата има ограничена улога во неговото лекување, па за да се има добра прогноза неопходна е на времено дијагностицирање, објаснува доц. д-р Андреј Петров, дерматовенеролог во Клиничката болница „Аџибадем Систина“.
Астма во бременост
Неконтролираната астма во периодот на бременост може да доведе до намалување на протокот на кислород до плодот, ризик од раѓање бебе со мала телесна тежина и забавен раст. Кај мајката може да доведе до прееклампсија, проблеми со плацентата и покачен крвен притисок. Астмата е проблем со кој се среќава голем број од популацијата, вклучувајќи ги и трудниците.
Третман на кардиоваскуларни болести со хибридни интервенции
Глобалниот тренд во медицината да – се постигне максимален ефект со минимален ризик, особено се однесува на кардиологијата, кардиохирургијата и васкуларната хирургија. Тоа подразбира пациентот да се изложи на минимален ризик, а да се постигне максимален дијагностички и терапевтски ефект. Според д-р Жарко Христовски, интервентен кардиолог од Клиничката болница „Аџибадем Систина“, во последните 30 години интервентната кардиологија на многу помалку агресивен начин решава проблеми кои претходно беа третирани од хирург.
Решение за неплодноста кај партнерот
Иако многумина сѐ уште сметаат дека плодноста е „женски проблем“, дури една третина од сите случаи на неплодност се однесуваат на машката популација. Првиот чекор кој треба да го преземе вашиот партнер е да посети уролог. Тестикуларна екстракција на сперматозоиди (micro tese) претставува хируршка процедура која се користи за пронаоѓање сперматозоиди кај пациенти кои немаат сперматозоиди во ејакулатот (азоспермија). Д-р Александар Мицковски, уролог хирург во Клиничката болница „Аџибадем Систина“, објаснува дека оваа метода се изведува со отстранување на мал дел од ткивото на тестисот од каде што се добиваат сперматозоидите, додека пациентот е под анестезија.
Здрава и квалитетна храна за врвни спортски достигнувања
Храната обезбедува хранливи и заштитни материи непоходни за раст, развој и регенерација, но, исто така, храната е и внесена енергија во организмот која служи за одржување на животните функции и функциите за работа. Затоа, секој еден кој се занимава со спорт од особено значење е да внимава на своите нутритивни потреби и начинот на исхрана пред, за време и по тренингот. Така, освен што од правилната исхрана зависи и е важна здраствената состојба на спортистот со одржување на добар имунитет и спречување на одредени заболувања, посебно кај младите, кои се сè уште во фаза на раст и развој, не се помалку акцентирани ниту постигнувањето на спортските резултати кои се во тесна и непосредна врска од правилноста во исхрана.
Неколку тајни кои треба да му ги кажете на докторот
Ако на некое место морате да бидете многу искрени и да ги кажете сите свои тајни, тоа е ординацијата на вашиот доктор. Заборавете на срамот, вашиот доктор е таму за да може да ви помогне и секоја информација што ќе ја споделите со него ќе биде во ваш и негов прилог.
Стоматолошки check up
Оралното здравје директно влијае врз здравјето на целото тело. Расипаните заби и болестите на непцата можат да влијаат во развојот на многу болести доколку не се лекуваат на време. За да го зачувате вашето здравје и да имате здрави заби доволно е 3-4 пати годишно да направите стоматолошки Check Up. Со редовниот Check Up, покрај тоа што ќе ги превенирате заболувањата, ќе имате здрави заби и уста.
Зошто треба да возите велосипед?
Пролетта е идеално време повторно да се вратите на старата навика и да возите велосипед. Овој совршен начин на рекреација одлично се справува со вишокот килограми, но ги затегнува и обликува мускулите. Рекреативното возење е одлично и за стекнување кондиција, намалување на ризиците од појава на висок крвен притисок, ја зајакнува издржливоста на организмот и имунитетот, го намалува стресот. Жената која има 60 килограми телесна тежина ќе потроши 480 калории доколку вози со просечна брзина од 20 до 25 километри на час 60 минути. Колку возењето е побрзо и поинтензивно, толку повеќе калории се трошат. Но, стручните лица не препорачуваат претерување со оваа активност. Истражувањата покажале дека луѓето кои возеле по 10 километри, двапати неделно, согоруваат и до пола килограм масни наслаги месечно.
5 Знаци кои укажуваат на проблеми со црниот дроб
Црниот дроб е најголемата лабораторија во човековиот организам, сместен во стомачната празнина под десниот ребрен лак, заштитен со мускулно-скелетни структури. Крвта доаѓа од два извора, артериска крв и крв од ,,порталниот крвоток“, преку кој крвта од цревата богата со сите добри и лоши состојки кои сме ги внеле со храната оди на обработка во црниот дроб. Исто така овој орган има и богато лимфно снабдување.
Хируршки третман на пародонтоза
По дијагностицирање на пародонталната болест во понапредна фаза која не може да се лекува со чистење забен камен и дентален плак, обработка на пародонтални џепови или полирање на забите се препорачува пародонтална хируршка интервенција. Овие проблеми најчесто се решаваат со редукција на пародонталните џепови и нивно пополнување со коскен заменик или регенеративни пародонтолошки хируршки интервенции. За тоа како се изведува оваа постапка разговаравме со д-р Андрејчо Грнчаровски, специјалист по орална хирургија во Клиничката болница „Аџибадем Систина“.
