Заштитете се вие и вашето семејство од труење со салмонела
Начинот на кој ја подготвувате храната, контактот со животни кои може да бидат потенцијален извор на салмонела и јадење на храна од сомнително потекло може да биде една од главните причини за труење со салмонела.
Салмонелата е бактерија која го напаѓа цревниот систем и предизвикува труење со храна. Симптомите може да бидат благи, но во одредени случаи труењето е толку опасно што може да биде и животозагрозувачко.Прочитајте ги нашите совети за тоа како да се заштитите вие и вашето семејство од труење со оваа опасна бактерија.
Одредување pH вредност на вагина
Мерење на pH на вагина во бременост е една од актуелните препораки на Светската асоцијација за перинатална медицина за превенција на прематуритетот. Како скрининг е воведена во повеќе од дваесет земји и се смета како единствен знак во дијагностичкиот процес за навремено откривање на прекурсорите, наспроти детекција на веќе постоечката инфекција. Редовно следење овозможува значителна редукција на прематуритетот.
Неколку совети како да ги надминете нападите на паника
Основна карактеристика на т.н. панично растројство се повратните напади на силна напнатост која прераснува во паника, без за тоа да постои видлива, реална причина. Ваквите состојби можат да се јават кај секого и во секое време. Сепак, кај лицата кои страдаат од ова растројство можат да се пронајдат многу сличности во однос на нивните карактерни црти.
Интолеранција на храна
Реакцијата на организмот на одреден вид храна може да се појави на која било возраст, а карактеристично е тоа што речиси секогаш се појавува на намирници кои се консумираат секојдневно или почесто
Според медицинските студии, интолеранцијата на храна е растечки проблем и од него страдаат околу 20 отсто од светската популација. Реакциите како последица на преосетливост на храна и нејзините состојки можат да се манифестираат како интолеранција на храна или како алергија на храна. Интензитетот може да биде од слаб до интензивно јак, па дури и опасен по живот.
Сè за цервикален карцином
Според статистиката, секоја година во светот 500.000 жени се дијагностицирани со карцином на грло на матката. Тој е еден од најчестите видови канцер кој ги зафаќа женските полови органи. Во последните години бројот на жени со оваа дијагноза значително се зголемува, а особено загрижува фактот што голем дел од нив се млади девојки.
Дали е настинка или грип?
Од голема важност е да ја разликувате обичната настинка од грип, за да можете да реагирате на време и да ги спречите компликациите како што се воспаление на белите дробови. Најдобрите ефекти се постигнуваат доколку грипот започне да се третира најдоцна до 48 часа од појавата на симптомите.
Тегобите во градите не треба да се занемарат ако при напор стануваат посилни
Д-р Оливер Бушлетиќ по податоците на Фондот дека 13.000 лица ги демне инфаркт
Секоја тегоба во градите е аларм дека треба да се направи испитување. Дали е стегање во градите, тежина, печење, притисок, недостиг од воздух, класична градна болка, печење кое се шири кон вратот и долната вилица, или тегоби што се шират кон внатрешната страна на левата рака, тегоби во градите и во предел на желудникот ова се симптоми што можат да бидат поврзани со болест на срцето, советува д-р Оливер Бушљетиќ, кардиолог во „Аџибадем Систина”
Кога да посетите уролог?
Поттикнати од стравот и неизвесноста честопати свесно или несвесно го одложуваме прегледот на доктор. Бројни истражувања само ги потврдуваат фактите дека особено мажите е многу тешко да отидат на доктор дури и при појава на одредени симптоми. Ова се најчестите симптоми и состојби кои треба да ве натераат да закажете преглед на уролог.
Вродени аномалии на бубрезите и уринарниот тракт кај децата
Вродените аномалии на бубрезите и уринарниот тракт се присутни кај 0,5% бремени жени. Пренатална дијагноза и раните оперативни интервенции овозможуваат брзо решавање на аномалиите, но, сепак, тие се уште главна причина за откажување на работата на бубрезите во рана возраст. Според д-р Надица Ристоска Бојковска, педијатар – нефролог, конгениталните абнормалности на бубрезите и уринарниот тракт ги вклучуваат аномалиите на бубрегот, на мочниот меур и уретрата, додека во конгенитални аномалии на долен уринарен тракт спаѓаат конгенитални дефекти на уретер, мочен меур и уретра.
Кога треба да направите снимка на забите?
Голем број болести на забите и околните ткива не би можеле да се откријат доколку пациентот навреме не направи рендгенска снимка. Сè она што не може да се види при обичен стоматолошки преглед може да се види токму со оваа постапка. Од состојбата на забите, корените, поставеноста на вилиците па сè до целокупниот состав до фацијалните коски. Ова важно дијагностичко средство може да помогне да се утврди присуството или степенот на пародонталната болест (непцата), кариес, апсцеси и многу абнормални израстоци, како што се цисти и тумори, но и да ја покаже точната локација на импактираните заби и заби кои сè уште не се целосно развиени.
