Тестови кои ќе ви покажат колку е здраво вашето срце
Редовните кардиоваскуларни скрининг тестови се важни бидејќи ви помагаат да ги откриете ризик факторите (модифицирачки и немодифицирачки) уште во најрана фаза. На овој начин, може да влијаете врз ризик факторите со промена на животниот стил/лекови пред да настанат оштетувања на кардиоваскуларниот систем. Доколку на редовните кардиолошки прегледи не се дијагностицирани промени во кардиоваскуларниот систем, и покрај вашите ризик фактори, не значи дека нема да ги развиете во иднина. Тоа значи дека треба да го промените вашиот животен стил во позитивна насока.
Како да ги ублажите симптомите на мигрената
Мигрената е еден од најчестите видови главоболка која се препознава со интензивна пулсирачка болка, која обично е посилна од едната страна на главата. Болката е толку силна што може да ги попречи секојдневните активности и да трае и подолго, од 3-4 часа па сè до неколку дена ако не се лекува. Бројни истражувања покажуваат дека секојдневно се зголемува бројот на луѓе кои страдаат од мигренозни главоболки, па може да се каже дека над 20% од луѓето се соочиле со овој проблем. Мигренозните главоболки се далеку почести кај жените, додека кај мажите преовладува еден друг тип васкуларна главоболка позната како „кластер“ главоболка, која има слични симптоми како мигренозните болки.
Најчести повреди при скијање
Снежните падини се магнет за уживање за сите генерации. Оние што вистински го сакаат снегот, му се радуваат и уживаат во него. Но, пред да се препуштиме на зимските спортови треба прво да знаеме како да се заштитиме од евентуални повреди.
Атописки дерматитис
Чешањето, црвенилото и сувата кожа се основните симптоми на хроничната воспалителна болест, која најчесто се јавува кај децата, но не ги избегнува и возрасните. Поради тоа и малите и големите пациенти се соочуваат со ненаспаност и замор, што дополнително ја влошуваат клиничката слика.
Проблеми при растењето на умниците
Умниците се последните заби сместени на двата краја во горната и долна вилица. Наречени се умници од причина што растат од 18. до 25. година од животот. Ги нарекуваат „заби на мудроста“ бидејќи никнуваат кога луѓето созреваат. Доколку тие израснат правилно и си го најдат своето место во забалото, не се потребни никакви интервенции, но за жал, не е секогаш така. Многу често умниците можат да растат во атипични позиции или да растат удирајќи во коската, на што се надоврзуваат други симптоми (болка,оток,ограничено отвoрање на устата – тризмус) што е сигнал за стоматолошка (орално-хируршка) интервенција.
Со редовни контроли превенирајте го карциномот на јајчници
Женски проблем – карцином на јајчници
Јајчниците се два мали органа кои се наоѓаат на обете страни од матката. Тие продуцираат хормони естрогени кои се одговорни за појава на менструален циклус секој месец. Само со подигнување на свеста кај пациентките и редовни контролни прегледи се спречува но и рано се открива карциномот на јајчници, па затоа драги жени уште веднаш закажете го вашиот контролен гинеколошки преглед.
Како да го спречите ноќното чкрипење со забите?
Голем број луѓе честопати свесно или не чкрипат со забите, а оваа појава медицински се нарекува бруксизам. Иако луѓето не ѝ обрнуваат големо внимание, чкрипењето може да направи голема штета на забите. Се појавува кај сите возрасти и не ги изостава ниту најмалите. Оваа лоша навика при која силно се притискаат или стругаат забите преку поместувањето на долната вилица од лево кон десно или напред назад често е поврзана со стресот, напнатоста, стравот, динамичниот начин на животот или замор. Внимавајте, доколку бруксизмот е честа појава може да предизвика и оштетување на забната супстанца, фрактура, но и искривување на забите и абнормалности при гризењето.
Епилептични напади во детството
Епилептичните напади се најчестиот симптом во педијатриската неврологија. Тие се извор на голема загриженост на родителите, особено кога се соочуваат со овој проблем за прв пат во домашни услови. Важно е да се потенцира дека во најголем број од случаите нападите се самоограничувачки и спонтано завршуваат без било какви долготрајни последици по детето.
Најчести проблеми кои ги вознемируваат мажите
Познатите личности како Кристијано Роналдо, Дејвид Бекам, Бред Пит создадоа нов поглед за тоа како мажот треба да внимава и да се грижи за својот изглед. Голем број мажи во светот почнаа да ги менуваат навиките и тргнаа по стапките на славните личности. Денеска секој маж сака да изгледа помладо и сè повеќе време поминува во грижа за кожата и косата. Дерматолозите ви ги претставуваат најчестите проблеми кои ги вознемируваат мажите. Исто така, ви нудиме и најсовремени решенија како да ги надминете истите.
Детектирајте навреме – карцином на бели дробови!
Карциномот на белите дробови е многу подмолна болест и еден од најчестите карциноми кои се јавуваат кај машката популација. Оваа болест може долго време да се крие зад воспаленијата или кашлиците на кои не им придаваме големо значење. Само раното дијагностицирање дава можност за излекување од ова болест, која сè повеќе зема замав, вели д-р Оливер Јовковски, пулмоалерголог во Клиничката болница „Аџибадем Систина“.
