Секое абнормално ткиво кое расте во внатрешноста на черепот се нарекува експанзивен процес (што се шири). Дел од овие експанзивни творби се и мозочните тумори. Можеби ќе се зачудите од фактот дека туморот на мозок не мора да значи и канцер. Застапеноста на мозочните тумори е 1-2% од сите видови тумори кај луѓето. Причината за нивното настанување сè уште не е потврдена и научно докажана. За да се разјасни природата на болеста многу е битна клиничката слика, а за да се открие за каков вид тумор се работи неопходно е да се направат одредени испитувања.

Доколку имате дијагностициран канцер на едниот бубрег не значи дека и другиот бубрег ќе биде зафатен со малигната болест. Главна грижа на пациентите со малигна болест e дали канцерот ќе се рашири и што ќе се случи доколку се случи? За среќа, канцерот на бубрег кај најголем број од пациентите не го зафаќа другиот бубрег.

Тироидните јазли може да се појават во различен период од животот, кај двата пола и на која било возраст, но кај околу 50 проценти од луѓето на возраст над 40 години и често не претставуваат сериозен здравствен проблем. Не треба веднаш да паничите доколку вашиот лекар ви каже дека имате јазол во тироидната жлезда. Оваа грутка во тироидната жлезда е честа појава, и во ретки случаи е канцерогена. Повеќето јазли не можат да се почувствуваат со палпација на вратот туку се откриваат со ехо преглед. Прочитајте во кои случаи тироидните јазли бараат посебно внимание и дополнителен преглед и третман:

Еден од најчестите симптоми кои ги имаат пациентите со малигна болест лоцирана во абдоменот е неподнослива континуирана болка во горниот дел од грбот и горниот дел од стомакот. Болката што не престанува е сериозен проблем и го нарушува квалитетот на живот кај овие пациенти. Проф. д-р Зоран Трајковски, специјалист по радиологија, ја објаснува постапката невролиза која се користи како третман на болка за пациентите со малигни заболувања.

Гинеколошките карциноми според бројот на регистрирани пациенти се едни од најчестите карциноми кои се јавуваат кај жената, веднаш зад карциномот на бели дробови, дојка и дебело црево. Постојат четири главни видови гинеколошки карциноми: eндометријален карцином, карцином на јајчници, на грло на матка и на вулва.

Според статистиката, секоја година во светот 500.000 жени се дијагностицирани со карцином на грло на матката. Тој е еден од најчестите видови канцер кој ги зафаќа женските полови органи. Во последните години бројот на жени со оваа дијагноза значително се зголемува, а особено загрижува фактот што голем дел од нив се млади девојки.

Тотална ларингетомија е интервенција која се прави за да се отстрани карциномот на грло со  целосно отстранување на гркланот. Оваа интервенција остава низа последици кај пациентот, а најтешка последица од оваа интервенција е трајно губење на гласот. Но за среќа во последните 10 години се применува современа метода за рехабилитација на гласот со вградување на говорни протези.

Зрачна терапија е техника при којашто се користи високо ниво на енергија, X-зраци кои ги убиваат клетките на карциномот, со максимална заштита на здравото ткиво околу канцерот. За тоа кога се користи, кои се предностите на зрачната терапија со современиот линеарен акцелератот Trilogy и што да очекувате од третманот, одговор ни даде д-р Славица Кралева, специјалист по онкологија и радиотерапија од Клиничката болница „Аџибадем Систина“.

Женски проблем – карцином на јајчници

Јајчниците се два мали органа кои се наоѓаат на обете страни од матката. Тие продуцираат хормони естрогени кои се одговорни за појава на менструален циклус секој месец. Само со подигнување на свеста кај пациентките и редовни контролни прегледи се спречува но и рано се открива карциномот на јајчници, па затоа драги жени уште веднаш закажете го вашиот контролен гинеколошки преглед. 

Карциномот на белите дробови е многу подмолна болест и еден од најчестите карциноми кои се јавуваат кај машката популација. Оваа болест може долго време да се крие зад воспаленијата или кашлиците на кои не им придаваме големо значење. Само раното дијагностицирање дава можност за излекување од ова болест, која сè повеќе зема замав, вели д-р Оливер Јовковски, пулмоалерголог во Клиничката болница „Аџибадем Систина“.