За жал, многу луѓе за остеопорозата дознаваат откако ќе ја добијат првата фрактура на коските.

Остеопорозата е состојба која се карактеризира со намалување на густината на коскената маса. Ова доведува до намалување на цврстината на коските и појава на скршеници. Како што таа се развива, густината на коските се намалува и тие изгледаат како сунѓер. Бројот на заболени од оваа болест на светско ниво секојдневно се зголемува, па затоа неопходна е превенција. 

Покрај фактот што староста е главен ризик фактор за остеоартритис на колено, помладите не се поштедени од ова заболување. Во одредени случаи оваа болест може да биде наследна, во други случаи остеоартритисот на колено може да биде резултат на повреда, воспалување, дури и прекумерна тежина. Д-р Михајло Ивановски, трауматолог во Клиничката болница „Аџибадем Систина“, ни дава одговори на често поставуваните прашања во врска со остеоартритисот, и тоа како се лекува и што можете да направите сами за да ја намалите болката.

Сколиоза и кифоза

Сколиозата и кифозата се искривувања на ’рбетот. Покрај тоа што најчесто ги напаѓаат младите тинејџери, овие деформитети се честа појава и кај малите деца и возрасните. Кај повеќето пациенти овие деформитети не прогресираат, но, сепак, постои мал процент на луѓе кај кои овие деформитети континуирано се влошуваат со текот на времето. Искривувањата предизвикуваат козметички и функционален проблем , а понекогаш проследен со силни болки. Од друга страна, постојат и искривувања за кои е потребен хируршки третман. Целта на третманот на овие деформитети е да се спречи прогресијата на искривувањето, да се нормализира ’рбетната функција и да се намали болката (доколку постои).

Ревматоиден артритис е хронична и прогресивна автоимуна болест која предизвикува воспаление и болка во зглобовите и ткивата околу зглобовите. Воспалението почнува во зглобната мембрана која го штити зглобот, обезбедува исхрана на зглобната ‘рскавица и ја создава зглобната течност. Во светски рамки од оваа болест страдаат 1% од населението и односот жени спрема мажи е 3:1. Постојат два вида: ран – кај кој симптомите траат помалку од 3 месеци, и дијагностициран ревматоиден артритис кај кој постојат симптоми на инфламација и отекување на зглобовите.  За најчестите симптоми кои не треба да ги игнорирате, но и за третманот и лекувањето разговаравме со професор доктор Мане Грличков, ревматолог во Клиничката болница „Аџибадем Систина“.  

Правилната исхрана е првиот чекор до поздрави и поцврсти коски. Тука пред сè се мисли на тоа дека е потребно дневно да се внесуваат по 1.000 милиграми калциум по пат на исхрана. Најдобриот извор на калциум се млечните производи со ниско ниво на масленост како што е јогуртот. Но, исто така богат извор на калциум се и лососот, сардините, зелениот лиснат зеленчук (брокули, кељот, спанаќот), сувите сливи и смоквите. Темнозелениот зеленчук, како спанаќот и кељот, во количество од една чаша содржат 100 милиграми калциум.

Истражувањата покажале дека 85% до 90% од населението во САД имале проблеми со грбот во одреден дел од животот. Болката во грбот е една од најчестите причини за посетување матичен лекар. Во кој било ден од годината речиси 2% од работната сила на САД не е способна да се појави на работа токму поради проблемите со грбот.

Една од почестите болки, која најпрвин се јавува во грбот па најчесто се пренесува на ногата, е ишијасот. Обично ишијасот е резултат на притиснат нерв во ’рбетниот столб, како и проблеми со дискусот или артритис. Од друга страна, причината за болките во грбот може да биде мистерија за докторите, а тие најчесто ја поврзуваат со дискусот, зглобовите, мускулите, лигаментите или тетивите.

Дегенеративните состојби на вратот ги загрозуваат цервикалните прешлени – седумте прешлени кои го формираат горниот дел од вашиот ’рбет, помеѓу градите и черепот. Кога една или повеќе од овие коски ќе се скршат, тогаш станува збор за цервикална фрактура. Обично оваа состојба може да доведе до силна болка во вратот. Други состојби поврзани со цервикалната фрактура или фрактура на вратот вклучуваат:

–          Повреда на мускулите
–          Изместување на дисковите меѓу прешлените
–          Оштетување на ’рбетниот мозок

Што е остеопороза?

Остепорозата ги ослабува коските и го зголемува ризикот од појава на ненадејни фрактури. Последиците од скршениците понекогаш можат да бидат и многу сериозни.

Кои се причините за остеопорозата?

Остеопорозата е најчесто заболување кое ги напаѓа коските. Една од причините за појава на остеопорозата е намалувањето на нивото на естроген. Исто така, намалениот внес на калциум, намалената физичка активност, како и пушењето цигари можат да доведат до ова заболување.

Артроскопските интервенции во ортопедијата и трауматологијата во последниве 20 години ги заменија класичните операции. Се работи за неинванзивна процедура која е помалку болна за разлика од класичните хируршки интервенции, го скратува престојот на пациентот во болница, а на минимум се сведени и сите компликации.

Што е ишијас?

Ишијасот е болка која поминува низ скијатичниот (ишијасниот) нерв, голем нерв кој е сместен во долниот дел на грбот и продолжува кон задните делови на двете нозе. Ишијасот е честа болка во грбот. Иако може да биде многу болна состојба, ретко се случува да предизвика трајно оштетување на нервите. Најчесто е предизвикан од воспаленија и обично болката поминува по неколку недели.