Дегенеративните состојби на вратот ги загрозуваат цервикалните прешлени – седумте прешлени кои го формираат горниот дел од вашиот ’рбет, помеѓу градите и черепот. Кога една или повеќе од овие коски ќе се скршат, тогаш станува збор за цервикална фрактура. Обично оваа состојба може да доведе до силна болка во вратот. Други состојби поврзани со цервикалната фрактура или фрактура на вратот вклучуваат:
– Повреда на мускулите
– Изместување на дисковите меѓу прешлените
– Оштетување на ’рбетниот мозок
Што ја предизвикува болката во вратот?
Сериозните падови и несреќи најчесто се причина за цервикална фрактура. Иако знаеме дека превенцијата од овие падови е речиси неверојатна, носењето заштитни кациги може да ни биде од корист. Канцерот на ’рбет, исто така, може да доведе до цервикална фрактура. Туморите на ’рбетниот мозок можат да се прошират низ цервикалните прешлени и да доведат до фрактура. Покрај тоа, луѓето кои страдаат од остеопороза се најподложни на цервикални фрактури.
Симптомите на цервикалните фрактури вклучуваат:
– Остра болка во пределот на вратот
– Отекување на местото околу фрактурата
– Осетливост на местото на фрактурата
– Вкочанетост
За да утврдите дали имате фрактура, докторот може да ви предложи рендген или испитување на магнетна резонанца. Сѐ додека се вршат испитувањата, вашиот врат мора да биде имобилизиран.
Нивото и типот на невролошкото нарушување е поврзано со место во вратот кое е оштетено, а се објаснува според најблискиот прешлен.
Втората најголема причина за дегенеративна состојба на вратот е цервикалниот артритис. Оваа состојба е резултат на „истрошеност“ на ’рскавицата во вратните зглобови поради несреќа или старост. Овие промени постепено предизвикуваат стеснување во меѓупрешленскиот простор предизвикувајќи притискање на нервите од ’рбетниот мозок во вратот.
Симптомите вклучуваат:
– Хронична болка во вратот
– Слабост и вкочанетост на мускулите
– Ограничено движење на вратот
– Главоболка
– Губење рамнотежа
Дали постојат ризици од хируршка интервенција на оваа состојба? И дали хирургијата е безбедна опција во овој случај?
Ризиците вклучуваат повреда на нервите, инфекции, крвавење и вкочанетост. Со цел да ја поминете хируршката интервенција во најдобар ред најдобро е да се подготвите за тоа. Пред сé, престанете да пушите цигари и вежбајте во рамките на нормалата со цел да го подобрите степенот на заздравување. Не земајте лекови кои би можеле да реагираат на анестетиците и разговарајте со докторот буквално за сите прашања што ве интересираат.
Заздравувањето од хируршката интервенција може да трае од неколку месеци до неколку години. Физиотерапевтот ќе ве информира околу вашата програма за вежбање која ќе му помогне на зајакнувањето на вашиот врат и справувањето со фрактурата.
