Чувството на печење/жарење зад градната коска знае да биде непријатно, посебно доколку ви се случува често. Постојат бројни причини зошто ви се јавува ваквото чувство, но главната причина е излевање на желудочната киселина во хранопроводот. Ова се јавува кога сфинктерот (мускулниот отвор) помеѓу желудникот и хранопроводот се отвора кога не е потребно.
Прочитајте ги неколкуте практични совети како да ги спречите или намалите киселините во желудникот.
- Намалете ја тежината. Честопати прекумерната тежина знае да биде причина за ваквата појава. Секој килограм помалку ќе значи олеснување на состојбата.
- Спијте со поткрената глава. Сменете ја положбата на спиење со тоа што главата и вратот ќе бидат благо поткренати во однос на стомакот. На тој начин ќе спречите желудочната киселина да се враќа во хранопроводот.
- Јадете помали порции и редуцирајте ја мрсната храна. Не внесувајте повеќе од 500 калории по оброк. Распоредете ги оброците така што нема да го преполните желудникот со храна и со тоа ќе ги намалите шансите за нејзино излевање во хранопроводот.
- Не легнувајте веднаш по оброкот. Направете пауза од најмалку 3-4 часа од еден оброк до друг. Тоа е времето потребно на желудникот да ја свари претходно внесената храна. За да ги намалите кислините во желудникот посебно во ноќните часови, избегнувајте да одите во кревет веднаш по оброкот.
- Движете се. Не легнувајте веднаш по оброкот. Наместо тоа, станете, прошетајте и раздвижете се.
- Џвакајте мастика. Џвакањето мастика го зголемува лачењето на плунка, која пак помага во ублажување на чувството на киселините.
7. Консултирајте со доктор за терапија
Сеуште не е пронајден лек кој може да делува на мускулниот прстен на желудникот и ќе го спречи неговото без причинско отворање. Сепак, постојат одреден вид на лекови кои преку различни дејствија помагаат да ги намалат симптомите. Доколку ваквата состојба трае подолго време и не се јавува подобрување, вашиот лекар ќе ви препорача дополнителни иследувања за да се открие причината за честата појава на рефлуксната болест.
