Кофеинот може да има позитивно влијание на организмот, но исто така може да предизвика и проблеми. Дознајте колку кафиња се премногу и скратете ги дневните дози.
Доколку сте зависни од кофеинот за будење и сила за дневните активности, не сте единствените. Кофеинот го стимулира централниот нервен систем, го ублажува заморот, ја зголемува будноста и ја подобрува концентрацијата.
Кога да започнете со намалување на дозите
За најголемиот број луѓе, средни дози на кофеин се од 200 до 300 мг, или од две до четири шолји кафе дневно, што не е штетно. Сепак, поради некои околности можеби ќе треба да ги намалите дозите или дури да размислите и за откажување од кафето. Во прилог ви даваме неколку совети за тоа колку кафе да пиете:
Пиете 4 или повеќе шолји кафе дневно
Иако умереното консумирање кафе нема да ви предизвика штета, сепак, премногу кафе може да доведе со несакани ефекти. Доколку дневно пиете од 500 до 600 мг кафе на ден може да имате:
• Несоница
• Нервоза
• Вознемиреност
• Проблеми со стомакот
• Забрзано срцебиење
• Треперење на мускулите
• Напнатост
Некои луѓе се почувствителни на кофеин. Доколку сте чувствителни може да се случи да имате несакани ефекти и при мали дози на кофеин, како вознемиреност и проблеми со спиењето.
Количината на кофеин што ја внесувате дневно влијае на вашата чувствителност на кофеин. Луѓето што не пијат кафе редовно се почувствителни на кафе и неговите негативни влијанија отколку тие коишто редовно пијат кафе. Истражувањата велат дека мажите се почувствителни на ефектите од кофеинот за разлика од жените.
Не спиете доволно
На возрасните обично им е потребно најмалку 7 до 8 часа сон дневно. Секако, кофеинот може да влијае на оваа потреба од сон. Хроничното избегнување на одмор, поради работни обврски, патување, стрес или премногу кофеин резултира со недостиг на сон што се акумулира така што заспивањето станува сѐ потешко, а истото влијае на човековата активност и нормалното извршување на секојдневните работни задачи. Доколку пиете кофеин со цел да останете будни, може да создадете несакан круг. Со пиењето напитоци кои во себе содржат кофеин, бидејќи не можете да останете будни во текот на денот, ја скратувате должината на сонот која ви е неопходна за да функционирате нормално бидејќи кофеинот не ви дозволува да заспиете навечер.
Контролирајте ја вашата навика за кафе
Намалувањето на дневната доза кафе или нејзиното целосно исфрлање може да биде вистински предизвик, но оправдајте го поради некоја од горенаведените причини или едноставно за да ги скратите трошоците. Наглото одвикнување од оваа навика може да предизвика главоболки, замор или нервоза. За среќа, овие симптоми брзо се ублажуваат и комплетно ги снемува по неколку дена.
Со цел да ја промените вашата навика за кафе постепено, следете ги следните препораки:
• Читајте ги декларациите и бројте
Почнете да внимавате на количината на кофеин што ја внесувате дневно. Можеби бројките се повисоки отколку што мислите. Читајте ги декларациите внимателно. Некогаш можеби бројките нема да бидат вистински бидејќи декларациите на голем број продукти што содржат мали количини кофеин не го вбројуваат, како што е на пр. чоколадото.
• Намалете
Намалувајте, но постепено. На пр. пијте пола шолја кафе или пола шише газиран пијалок. Избегнете пиење кофеински напиток доцна навечер. Ова ќе го подготви вашето тело на помалите количини кофеин и помалку ќе бидете подложни на несаканите ефекти по комплетното откажување.
• Пијте кафе без кофеин
Најголемиот број напитоци без кофеин изгледаат и имаат сличен вкус на оние кои содржат кофеин.
• Правете поредок чај или заменете го со хербален
Кога правите чај, извадете ја кесичката брзо по потопувањето. Ова ќе го намали количеството кофеин во него или, пак, одберете хербален чај што не содржи кофеин.
• Проверете го шишето
Некои аналгетици кои се продаваат без рецепт содржат кофеин во составот дури и до 130 мг во една доза. Наместо нив, побарајте аналгетици кои не содржат кофеин.
