Кога ќе добиете удар во носот за време на спортската активност, ќе се удрите или ќе паднете на носот јасно е дека од носот ќе ви потече крв. Но, многу често се случува без никаква причина да забележите дека ви тече крв од носот. Тоа може да се случи додека спиеме, и кога наутро ќе се разбудиме да се збуниме како и кога се случило тоа. Ова крвавење најчесто се јавува од едната ноздра. Иако често се јавува кај деца и повозрасни луѓе, никој не е поштеден. Слузницата на носот е пребогата со ситни капилари и артерии, особено во долниот дел на носната преграда. Добрата вест е дека 90% од крвавењата е појава која сами можете да ја санирате и крвавењата не е симптом кој е поврзан со други нарушувања.
Кои се најчестите причини?
– Чепкање на носот – иритација на слузницата
– Механички удар
– Разни инфекции
– Намалена слузница поради настинка
– Зголемено користење на капки за нос
– Сув воздух во просторијата во која престојувате
– Висок крвен притисок, болести на срцето, анемија
– Исцрпеност и преголем физички напор
– Земање одредени лекови
Како да реагирате?
Голем број луѓе кога им тече крв од носот ја креваат главата наназад. Но, напротив, главата мора да биде насочена кон напред и со два прста да се затне носот во долниот дел и така да држите неколку минути. Доколку главата ја зафрлите наназад, со тоа правите дополнително заморување и го продолжувате времето на крвавењето. Не е грешно доколку за време на крвавењето ставите ладен облог.
Како да го превенирате крвавењето од носот?
– Со внесување на доволна количина течности одржувајте ја влажна слузницата на носот
– Во ладните денови набавете освежувач за воздухот кој нема да го суши воздухот во просторијата во која престојувате
– Навлажнувајте го носот со спреј
– Консумирајте храна богата со витамин Ц
