Детски витраж цртежи на влезната врата, катче за игра, јунаците од цртаните филмови како слики по ѕидовите, соби кои личат на хотелски, специјално дизајнирани и уредени за најмладите, мини библиотека, насмеани сестри облечени во униформи со бубамари и пеперуги… Ова е првата слика што ќе ве сретне откако ќе влезете во новиот педијатриски оддел во Клиничката болница „Аџибадем Систина“, кој почна да работи неодамна по теркот на најреномираните педијатриски центри во светот.
Со отворањето на новиот педијатриски стационар во Клиничката болница „Аџибадем Систина“ не само што лекувањето на децата е подигнато на повисоко ниво, туку е заокружен и комплетиран цел еден систем на болничко лекување. Страв од лекар и бел мантил не постои, затоа што амбиентот ни најмалку не наликува на болнички…
