Стресот е секојдневие, нешто кое не можеме да го одбегнеме во модерниот и брз начин на живот. Иако најчесто слушаме дека стресот е негативен, во одредени ситуации може да биде и корисен, бидејќи претставува мотивација за да ја завршите одредена задача во дадениот рок.
Стресот е штетен кога трае подолго време а вие неможете да го контролирате. Многу пати стресот не е причина за да се појави одредена состојба, но може да биде причина за влошување на нејзините симптоми. Во продолжение прочитајте какви реакции може да предизвика на организмот.
1. Мускули и зглобови
Стресот може да предизвика болка и грчеви во мускулите, како и симптоми на артритис, фибромегалија и други состојби. Болката во мускулите може да се појави поради тоа што стресот го намалува прагот на издржливост на болка.
2. Срце и бели дробови
Покаченото ниво на хормонот на стрес-кортизол може да ги влоши симптомите на болест на срцето и белите дробови. Состојби поврзани со штетеното влијание на стресот се срцевите заболувања, срцев удар, висок кревн притисок и астма.
3. Кожа и коса
Бројни истражувања го поврзуваат стресот со влошување на симптомите на екзема и псоријаза на кожата. Други проблеми поврзани со кожата се појава на осип и чешање, прекумерно потење па дури и опаѓање на косата.
4. Дигестивен систем
Стресот влијае негативно и на дигестивниот систем, почнувајќи од поедноставните симптоми како гасови, болка, надуеност, дијареа, запек а може да биде и причина за појава на синдромот на нервозно дебело црево и враќање на содржината од желудник во хранопроводот (ГЕРБ).
5. Рамена, глава и вилица
Стерсот предизвикува состојба ткн. „тензичен триаголник“ што вклучува спазам (грч) на рамената вратот и вилицата. Дополнително може да се јави и тензична главоболка, затегање на вратот и рамената.
6. Имун систем
Силниот имун систем е потребен за одбрана од болестите. Стресот делува врз намалување на имунитетот така што сте поизложени на настинки и грипови. Истотака стресот е поврзан и со појава на автоимуни болести како лупус, а ги влошува и симптомите на воспалителните болести на мочниот меур.
7. Ментално здравје
Депресија и намалување на ентузијазмот за активности кои обично уживате да ги правите се клучните негативни влијанија на стресот врз менталното здравје. Луѓето под стрес имаат намален апетит и намалена волја за вежбање и рекреација што уште повеќе ги влошува симптомите.
