Една стара поговорка вели „не е важно колку години имате, важно е како се чувствувате“. Но, што ако се чувствувате старо, уморено и пропаднато?
Заморот е состојба на која многумина, а особено оние во средната возраст, постојано се жалат. Постојат многу интересни и лесни начини за да ја подигнете вашата енергија. Некои од нив дури и го забавуваат процесот на стареење.
Решете ги здравствените проблеми
Заморот честопати знае да биде резултат на многу заболувања, меѓу кои дијабетесот, срцевите заболувања, артритисот, анемијата, заболувањето на тироидата и слип апнеата. Доколку се чувствувате уморено, разговарајте со вашиот доктор.
Покрај тоа, многу лекови можат да придонесат за да се чувствувате заморено. Некои од нив се лековите за регулирање на крвниот притисок, антихистамините, диуретиците и други.
Бидете во постојано движење
Последната работа која ќе ви падне на памет додека сте уморени е да почнете да вежбате. Но сепак, многу истражувања покажаа дека зголемената физичка активност го подигнува нивото на енергија. Во прилог на ова, докажано е дека луѓето кои се постојано активни имаат поголема самодоверба. Покрај тоа се подобрува и функцијата на срцето, белите дробови и мускулите.
Јога
Иако речиси секоја вежба е добра за вашето здравје, јогата има посебен ефект во подигнувањето на нивото на енергија. Луѓето покажуваат позитивни резултати поврзани со концентрацијата, енергијата, самодовербата и благосостојбата. За само 6 месеци вежбање јога, и тоа еднаш во неделата, ќе ги почувствувате позитивните промени.
Пијте премногу вода
Општо е познат фактот дека дехидратацијата предизвикува замор не само кај спортистите туку и кај оние кои ги извршуваа0е домашните обврски. Покрај тоа, таа влијае и врз концентрацијата и будноста.
Кога не знаете дали имате испиено доволно вода или кога треба да се напиете, проверете ја бојата на вашата урина. Доколку вашата урина е светла, речиси проѕирна, тоа е знак дека внесувате доволно количество вода. Кога урината е потемна, тоа е знак дека треба да започнете со редовно пиење вода.
Легнувајте си порано
Недостигот на сон е причинител број еден за сообраќајните несреќи и е една од главните причини за замореноста во текот на денот. Решението е во раното легнување. Доколку сте легнале подоцна и се чувствувате уморено во текот на денот, тогаш направете кратка дремка од 20-тина минути и напијте се шолја кафе. Потрудете се дремката да не трае повеќе од пола час бидејќи на тој начин повторно ќе го одложите легнувањето и ефектот ќе биде идентичен минатиот ден.
Ова се само неколку совети за да бидете свежи, концентрирани и полни со енергија во текот на денот.
