Në rast se keni të diagnostikuar kancer në njërën veshkë, nuk do të thotë se edhe veshka tjetër do të preket nga sëmundja malinje. Shqetësimi kryesor i pacientëve të prekur nga sëmundje malinje është nëse kanceri do të përhapet dhe çfarë ndodhë në rast se shfaqen metastaza? Për fat të mirë, kanceri i veshkës në shumicën e rasteve nuk e prek dhe veshkën tjetër.
Si përhapet zakonisht kanceri?
Kryesisht kanceri përhapet në tre mënyra:
– Përmes sistemit limfatik deri tek nyjet limfatike më të afërta
– Përmes qarkullimit të gjakut, zakonisht përhapet deri në mëlçi, mushkëri, tru dhe tek kockat
– Përhapje tek indet lokale
Meqënëse veshkat nuk janë anatomike me njëra-tjetrën, mundësia e përhapjes së kancerit nga njëra veshkë në tjetrën është tepër e vogël. Mundësia e përhapjes së kancerit varet edhe nga madhësia dhe norma e rritjes. Tumoret me madhësi më të mëdha dhe me rritje më të shpejtë kanë më tepër gjasa për tu përhapur edhe tek organet e tjera. Diagnoza e hershme është faktori kryesorë për parandalimin e përhapjes së tumorit.
Çfarë duhet të prisni në rast se keni kancer në veshka?
Trajtimi i kancerit mund të ketë kryesisht dy drejtime:
Monitorimi i tumorit
Nëse tumori është beninj apo në rast se për shkak të moshës së avancuar, doktori ka vendosur që të mos kryhet trajtim kirurgjik, atëherë është e nevojshme që të kryhet monitorimi i tumorit për të para progresin e tij.
Kirurgjia
Trajtimi kryesor për pacientët më të rinj dhe më vital është trajtimi kirurgjik. Zgjidhja më e mirë në rast se tumori është i një madhësie të vogël është kirurgjia minimalisht invazive ku tumori mënjanohet me anë të një hapjeje të vogël. Në rast se tumori është i madh, zbatohet nefrektomia radikale, ku kirurgu heq tumorin, veshkën dhe indet përreth.
Disa sëmundje gjenetike e rrisin rrezikun
Në raste shumë të rralla, është e mundur që kanceri të përhaper nga njëra veshkë edhe në tjetrën, ose veshka tjetër të zhivllojë në vetvete sëmundje melinje . Kjo gjendje mund të ndodhë tek disa çrregullime gjenetike që rrisin rrezikun e kancerit në të dy veshkat në të njejtën kohë.
