Shkaku më i zakonshëm për bllokimin e kanaleve të qumështit, është të ushqyerit të shkurtuar me gji dhe jo të rregullt, pozicionimi i parregullt (vendosja e keqe) gjatë gjidhënies, ose presioni i vazhdueshëm i veshjeve të papërshtatshme. Nëse nëna e kufizon kohëzgjatjen, kohën për të cilën ka nevojë fëmija që të mund t’i zbrazë gjinjtë, nëse shkurton vaktin gjatë natës, përdoret biberon për ta gënjyer fëmijën, ose jepet ushqim shtesë, (qumësht artificial) kështu shkakton mbimbushjen e gjinjve dhe duke rritur rrezikun e shfaqjes së mastitit. Dallimi ndërmjet bllokimit të kanaleve dhe infeksionit është vetëm një për qind. Bllokimi i kanaleve i referohen dhimbjes apo ndjeshmërisë së një njolle apo kokrrës në gji e cila nuk shoqërohet me temperaturë. Kjo gjendje shfaqet për shkak të mos zbrazjes së mjaftueshme të kanaleve të qumështit. Presioni i cili shfaqet mbrapa kanalit të blollokuar do të shkaktojë inflamacion në indin rrethues. Zakonisht, shfaqet në njërin gji. Gjiri juaj është i ndjeshëm dhe dhemb, dhe ekziston skuqje, zakonisht anash. Nëse dhimbja apo kokrra është e shoqëruar me temperaturë, dobësi, lodhje dhe rraskapitje, bëhet fjalë për infeksion në gji. Zakonisht shfaqet në njërin gji dhe duhet menjëherë të kërkoni ndihmën e mjekut tuaj.
Këshillë
Pa dallim nëse dhimbja është e shkaktuar nga bllokimi i kanaleve apo nga inflamacioni i gjirit, trajtimi është i njëjte, kompresime të ngrohta në gji, pushim, masazh i shpeshtë i gjinjve dhe të ushqyerit me gji në anën që dhemb. Mundohuni që të mos bëni shumë pauzë ndërmjet dy vakteve. Kushtojini vëmendje edhe kujdesit të thithës së gjirit, por kontrolloni edhe stresin i cili ndikon negativisht mbi rritjen e sasisë së qumështit në gji.
Kompresimet e ngrohta rrisin qarkullimin rreth vendit ku ndjeni dhimbje. Mund të përdorni edhe termofor apo me avull. Në raste të tilla ndihmon edhe masazhi i lehtë në pjesën e kanaleve të bllokuara. Masazhi fillon mbrapa vendit të dhimbshëm me lëvizje të buta rrethore të gishtave në drejtim të thithës së gjirit. Në mënyrë që të lirohet kanali i bllokuar tërësisht, pas larjes me ujë të ngrohtë dhe masazhit rekomandohet që ta ushqeni fëmijën me gji ose ta zbrazni gjirin tuaj me një pompë.
Të ushqyerit të shpeshtë do të parandalojë mbimbushjen e gjinjve dhe të lejojë rrjedhjen e lehtë dhe të lirë të qumështit. Derisa gjiri të jetë i fryrë apo i nxehtë duke prekur, inkurajojeni fëmijën tuaj që të thithë dhe gjithmonë ofrojini gjirin në të cilin ndjeni dhimbje.
Pushimi luan një rol të rëndësishëm në trajtimin e kanaleve të bllokuara dhe në fillimin e prodhimit të qumështit. Shtyjini aktivitetet e përditshme, vizitat dhe relaksohuni. Ky është çasti më i bukur në jetën tuaj. Pushoni në pozitën gjysmë të shtrirë, atëherë edhe kur fëmija është duke fjetur.
