Është e nevojshme një kohë e gjatë që një qelizë e gjirit të bëhet kancerogjene dhe të formojë tumor, prandaj kërkohet ekspert për ta zbuluar këtë gjë gjatë kontrollit apo shqyrtimit radiologjik. Në përgjithësi, me anë të vetëkontrollit gratë mund të vërejnë në gjirin e tyre e ndonjë kokrre e cila mund të arrijë deri në 1 cm. Sot shumica e pacientëve të cilët vuajnë nga kanceri i gjirit e kanë zbuluar atë me anë të kësaj metode. Kokrrat kancerogjene në përgjithësi janë të forta, kanë formë të çrregullt, të cilat nuk mund të vendosen në indin e gjirit. Nëse kanceri përhapet edhe në organe të tjera (metastaza), këto rezultate nuk janë rezultatet e para të kancerit të gjirit. zonat në të cilat përhapet më shpesh kanceri i gjirit janë pelvisi, shtylla kurrizore, mushkëritë dhe mëlçia.

Zakonisht cistet nuk shfaqin asnjë simptomë dhe zbulohen gjatë kontrolleve rutinë me ultratingull. Në rast se shfaqin simptoma, në varësi të tyre mund të përcaktohet se për çfarë lloj ndryshimi bëhet fjalë. Shumica e grave, gjatë jetës së tyre përballen me ndonjë lloj ndryshimi cistik në vezore, dhe shpesh nuk ndjejnë shfaqje të simptomave. Zakonisht janë ciste funksionale të cilat krijohen si pasojë e çrregullimit të ndryshimeve normale të cikleve në vezore dhe ovulim. Shfaqen në rast se folikulat normale nuk arrijnë të shpërthejnë gjatë periudhës së ovulimit, ku lëngjet mbeten dhe folikuli vazhdon të rritet, duke krijuar kështu cist folikular.  Sipas Dr. Boban Sarxhovskit, gjinekolog akusher në spitalin klinik “Acibadem Sistina” ato zakonisht zhduken pa marrë asnjë trajtim, për disa javë apo disa muaj.

Aborti spontan përkufizohet si ndërprerje e shtatzënisë e cila ndodh deri në javën e 20 gestatike, dhe si nxjerrje e embrionit apo fetusit nga mitra. Ky lloj aborti ndodh tek 10-20% e rasteve të aborteve. Për të filluar me analizën e detajuar të shkaqeve të aborteve të përsëritura, Dr. Ana Kacarska, gjinekologe, obstetër në spitalin klinik “Acibadem Sistina” thekson se është e nevojshme që të ndodhin tre aborte, të cilat nuk është e thënë që të jenë të njëpasnjëshme.

Mënyra moderne e të jetuarit tek grave, bën që ato të jenë të suksesshme në punë, të jenë nëna të suksesshme, bashkëshorte të mira, dhe në jetën e tyre të përditshme janë të pashmangshme punët dhe dekorimin e shtëpisë. “Super gratë” në ditët e sotme  japin maksimumin për kujdes dhe sukses ndaj familjes dhe pothuajse shumë pak i kushtojnë vëmendje dhe kohë vetes dhe shëndetit të tyre. Shpesh ndjejnë dhimbje koke, probleme të tjera shëndetësore, dhe  përsëri nuk vendosin të kërkojnë ndihmën e mjekut. Doktorët në spitalin klinik “Acibadem Sistina” këshillojnë të gjitha gratë të kryerjnë kontrollet preventive të cilat konsiderohen si të detyrueshme, pasi vetëm kryerja e këtyre kontrolleve mund t’jua shpëtoj jetën.

Rezonanca magnetike është metodë e cila nuk përdor rrezatim jonizues. Kjo është një metodë e cila në procesin e krijimit të imazhit përdorë fushën magnetike, me ndihmën e disa sinjaleve të radiofrekuencave ndaj të cilave reagojnë atomet e hidrogjeneve (trupi i njeriut është i përbërë nga 70% ujë domethënë 70% atome hidrogjeni). Në këtë teknikë të procesit të marrjes së imazhit, përdoren formula matematikore dhe koncepte fizike të ndërlikuara.

Pacientit i jepet një apo më tepër ilaçe me qëllim që të shkatërrohen qelizat kancerogjene. Zbatohet sipas disa protokolleve të caktuara për mjekim, të cilat zakonisht kombinojnë një apo më shumë ilaçe citostatike. Me kimioterapi, 15-30% zvogëlohet mundësia e përsëritjes së sëmundjes si dhe reduktohet numri i rasteve të vdekjeve.

Studimet gjenetike zbulojnë lidhjen ndërmjet sëmundjeve të ndryshme dhe gjeneve.  Studimet lidhur me rolin e gjeneve, veçanërisht në diagnostikimin e hershëm të kancerit, vazhdojnë në një masë të madhe. Gjithësesi, këto studime, ende nuk kanë arritur në atë nivel në mënyrë që të mund të përdoren aplikimet klinike. Kështu që, testet gjenetike nuk mund të përdoren për zbulimin e hershëm të kancerit të gjirit.

Nëse tek gjiri janë zbuluar gjetje të dyshimta, duhet bërë biopsia me anë të gjilpërës, ose  ajo zonë e dyshuar duhet të shqyrtohet me anë të operacionit në mënyrë që të arrihet diagnoza. Në rastet kur gjetjet e dyshimta nuk mund të zbulohen me anë të prekjes, është e nevojshme kryerja e biopsisë me anë të gjilpërës, me ndihmën e metodave të regjistrimit në klinikën për radiologji. Kohëzgjatja e kësaj procedure varion nga metoda në metodë, por zgjat nga 20-40 minuta.  Pas përfundimit të procedurës, gjetjet konsiderohen si beninje, të dyshimta (atipike) ose malinje.  Të gjitha sëmundjet e gjirit, fillimisht diagnostikohen me anë të biopsisë me gjilpërë.

Shkaku kryesor i kancerit të qafës së mitrës është infeksioni me virusin HPV  (human papiloma virus), ndërkohë që disa lloje të tjera të caktuara të viruseve janë përgjegjëse për përhapjen e tij të shpejtë.  Edhe pse simptomat nuk janë aq të dukshme,  gjithësesi duhet ti ndiqni të gjitha ndryshimet të cilat mund të jenë shenja paralajmëruese të sëmundjes.  Bisedoni me gjinekologun tuaj në rast se vëreni ndonjë simptomë. Dr. Jordanço Ivanov, gjinekolog – akusher në spitalin klinik ‘’Acibadem Sistina’’ këshillon se tumori cervikal (i qafës së mitrës) është një nga shkaqet më të shpeshta të vdekjes tek gratë, por mund të shërohet në rast se zbulohet në kohë.

Ekziston një numër i madh simptomash të cilat janë të zakonshme tek gratë gjatë menopauzës.  Mungesa e ciklit menstrual është si rezultat I ndryshimit të hormoneve, dhe ky ndryshim reflektohet tek një numër i madh  ndryshimesh në trupin e femrës. Njëra prej tyre është tendenca e ruajtjes së ujit në trup. Mos u frikësoni, bëhet fjalë për një gjendje e cila nuk shkakton çrregullime të mëtejshme, por është e rëndësishme të dini se kur duhet të bisedoni me mjekun tuaj.