Kanceri i gjirit i trashëguar (trashëguar ose familjar) është i pranishën tek 5-10% e të gjithë pacientëve me kancer. Të dy gjenet BRCA1 dhe BRCA 2, janë përgjegjës për 80% të kancerit të gjirit të trashëguar. Rreziku i shfaqjes së kancerit tek gratë me mutacione BRCA1 deri në moshën 70 vjeçare, është 85%, ndërsa rreziku i kancerit ovarian (vezoreve) është 45%. Rreziku i kancerit të gjirit me mutacion gjenetik BRCA2, është 84%, ndërsa rreziku ndaj kancerit ovarian është 76%.

Sarkoma është një lloj i kancerit të indit lidhës. Në fazë të hershme sëmundja nuk shfaq simptoma. Zakonisht shfaqet si një kokërr në pjesën e gjymtyrëve dhe nuk është e shoqëruar me dhimbje në fazat e para të sëmundjes. Gjatë rritjes së sarkomës shkaktohet presion mbi organet fqinje, indet, muskujt, nervat,  dhe shenjat dalluese të kësaj sëmundje janë dhimbje dhe vështirësi gjatë lëvizjes. Megjithatë, shumë sëmundje të tjera shfaqin simptoma të njejta, prandaj nëse ndjeni apo vëreni shfaqjen e ndonjë kokrre kontaktoni menjëherë mjekun tuaj.

Aparati i rezonacës magnetike është një nga teknologjitë më të avancuara  dhe një nga arritjet më të fundit në mjekësi, e cila  e lehtëson diagnostikimin e një numri të madh të ndryshimeve në sisteme dhe organe. Për pyetjet më të shpeshta në lidhje me rezonancën magnetike, përgjigje morëm nga Dr. Senço Netkov, radiolog në spitalin klinik “Acibadem Sistina”.

Rezonanca magnetike është një test joinvaziv i cili përdoret nga mjekët për diagnostikimin e sëmundjeve. Punon në parimin e një fushe të fortë magnetike, radiofrekuencës dhe prodhon imazhe të detajuara të organeve, indeve të buta, kockave dhe strukturave të brendshme. Me anë të kësaj procedure, mjekët mund të shqyrtojnë të gjitha pjesët e trupit dhe të përcaktojnë praninë e sëmundjeve të caktuara. Sipas Dr. Maja Stojçevska Çapova, radiologe, rezonanca magnetike jep informacione të sakta për gjirin, të cilat nuk mund të arrihen me anë të ultratingullit dhe mamografisë, por gjithësesi, deri tani, nuk konsiderohet si zëvendësuese e tyre, por përdoret si një mjet shtesë.

Qendra PET është e vetmja qendër në Maqedoni dhe në rajon, e cila ofron kujdes të lartë sipas  standardeve botërore më të rrepta. PET/CT është teknika më efektive e inçizimit e cila përdoret për përcaktimin e diagnozës, përcaktimin e shkallës së sëmundjes,vlerësimin e efekteve nga terapia e marrë për trajtimin e kancerit, planifikohet radioterapia dhe kimioterapia tek shumica e rasteve të kancerit. Tre vjet më parë ishin regjistruar 200 pacientë, ndërsa sot janë të regjistruar 1000 pacientë.

Në të gjitha qendrat onkologjike në mbarë botën, fillimi i trajtimit të sëmundjeve malinje pa marrjen e rezultatit nga aparati PET/CT është i pamundur. Rezultatet e PET/CT tregojnë lokalizimin e saktë të tumorit, përhpjen e tij, dhënien e trajtimit të duhur si dhe mundëson ndjekjen dhe vlerësimin e efekteve  nga trajtimi i marrë. Me një fjalë, këto rezultate japin udhëzime të sakta përsa i përket ndjekjes së saktë dhe cilësore të trajtimit të sëmundjeve malinje. Dr. Liljana Muratovska, specialiste në mjekësinë nukleare në spitalin klinik “Acibadem Sistina” shpjegon se me praninë e aparatit PET/CT, pacientët me sëmundje malinje në Maqedoni dhe në rajon, kanë mundësi të trajtohen sipas standardeve botërore.

Pacientët por edhe anëtarët më të afërt të familjes të cilët përballen me sëmundjen më të rëndë, kancerin, me siguri që para kohës së fillimit të trajtimit duan të informohen më tepër në lidhje me llojet e trajtimit, avantazhet e tyre, efektet anësore dhe rezultatet e paparashikuara. Në vijim, Dr. Deva Petrova, onkologe radioterapeute, shpjegon se cilat janë trajtimet e disponueshme për pacientët.

Intervenimi kryhet nëpërmjet disa shpimeve në bark, pacientja nuk do të ketë plagë të dukshme, në këtë mënyrë reduktohet koha e qëndrimit në spital deri në 5 ditë, gjithashtu reduktohet përdorimi i ilaçeve, analgjezikëve, antibiotikëve, ilaçeve tromboprofilaktike, ndërkohë që katetra hiqet në ditën e tretë.

PET/KT është një nga teknikat më efektive të imazheve të cilat janë të disponueshme në ditët e sotme. PET (Positron emission tomography) është teknika e imazhit e cila shfaq ndryshimet funksionale të organeve dhe indeve në metabolizmin e trupit e njeriut. Kjo metodë e kombinuar me KT (tomografi kompjuterike) siguron informacione të detajuara anatomike. PET/KT përdoret veçanërisht në onkologji për identifikimin e tumoreve, për përcaktimin e shkallës së tumorit, për planifikimin e radioterapisë, si dhe për vlerësimin e e përgjigjes apo reagimit nga marrja e terapisë.

Diagnoza e kancerit të gjirit është ajo të cilës i frikësohen pothuajse të gjitha gratë. Shkaku i frikës është një statistikë e cila tregon se kanceri i gjirit është diagnostikuar tek një nga tetë gra. Sikurse tek çdo sëmundje malinje, edhe në rastin e kancerit të gjirit është shumë i rëndësishëm zbulimi në kohë i sëmundjes.  Pacientet të cilat gjenden në fazën e parë dhe të dytë të sëmundjes, atëherë kur kjo sëmundje është e lokalizuar në gji dhe ka prekur  një numër të vogël të nyjeve limfatike rajonale, kanë më shumë mundësi për shërim në krahasim me pacientet të cilat gjenden në fazë të avancuar, shprehet Dr. Deva Petrova, onkologe  në spitalin klinik “Acibadem Sistina”.  Përveç  ekzaminimit të rregullt, sa herë që gratë të ndjejnë ndryshime lidhur me gjendjen e gjirit si: skuqje, ngurtësim (kokërr) në gji  apo në sqetull, tëheqje nga brenda të sipërfaqes së lëkurës së gjirit, tërheqje nga brenda të thithës së gjirit, apo ndryshim të ngjyrës së lëkurës së gjirit, duhet patjetër të paraqiten tek mjeku.