Ju e dini se nëse keni diabet, këmbët tuaja mund të dëmtohen shumë lehtë , madje pa e kuptuar. Një dëmtim i nervave për personat të cilët vuajnë nga diabeti, mund të shkaktojë mpirje të gjymtyrëve, dhe kur rritet niveli i sheqerit në gjak, zvogëlohet aftësia e trupit për të luftuar me infeksionin apo për të shëruar plagën. Nëse nuk jeni të vetëdijshëm për lëndimin që keni marrë dhe nuk e trajtoni atë në menjëherë, atëherë ky lëndim i marrë në këmbë për personat që vuajnë nga diabeti, mund të shkaktojë probleme mjekësore tepër serioze.
Këtu keni pesë mënyra për për të kujdesur këmbët tuaja, duke e reduktuar rrezikun e lëndimit si dhe , si të veproni nëse jeni lënduar.
1. Kontrolloni çdo ditë lëkurën tuaj.
Prekni dhe kontrolloni këmbët tuaja çdo ditë. Sigurohuni që nuk keni shenja të prera, të mavjosura, apo pjesë të ënjtura dhe të lënduara. Nëse vëreni se keni shenja të prera në këmbë, përdorni ujë të pastër dhe sapun të thjeshtë dhe lidheni këmbën me fashë të thatë. Nëse keni probleme me shikimin dhe nuk mund të vëreni shenjat në këmbë, kërkoni ndihmë nga ndonjë pjestarë i familjes.
2. Kujdesuni për higjenën personale dhe vishni këpucë të rahatshme
Lani këmbët tuaja çdo ditë me ujë të ngrohtë. Kujdesuni që ato të jenë të thata sidomos ndërmjet gishtërinjëve pasi aty ekziston mundësia për zgjerimin e lagështisë. Aplikoni locion, por gjithmonë duke u kujdesur që gishtërinjtë të jenë të thatë. Përdorni këpucë të rehatshme dhe çorape të pastra në mënyrë që të shmangni irritimin e lëkurës tuaj si dhe ndjenja të parehatshme.
3. Asnjëherë mos ecni këmbë zbathur
Gjatë muajve të nxehtë të verës, me siguri do të keni dëshirë të ecni zbathur, por nëse ju vuani nga diabeti, edhe lëndimi më i vogël siç mund të jetë një shpim i gishtit, më pas mund të zgjerot në plagë më të madhe e cila mund t’ju shkaktojë probleme më të mëdha për shëndetin tuaj. Gjithmonë mbani pantofla pranë shtratit tuaj dhe asnjëherë mos ecni zbathur.
4. Kontrolloni sheqerin
Ndiqni gjithmonë këshillën e mjekut, dhe kontrolloni shpesh nivelin e sheqerit në gjak.Për të ruajtur nivelin e rekomanduar të sheqerit në gjak, ndiqni planin tuaj të të ushqyerit të rekomanduar nga doktori juaj, kujdesuni që të mos përdorni ushqim të pasuar me karbohidrate, dhe nëse përdorni ilaçe për diabetin, kujdesuni që ato ti merrni rregullisht.
5. Trajtojini menjëherë lëndimet e marra në këmbë
Nëse keni marrë lëndime në këmbë, është shumë e rëndësishme të kryhet ndërhyrje e shpejtë dhe dhe në kohë. Menjëherë pastroni plagën me ujë të pastër dhe sapun, lidheni atë me fashë të thatë, dhe nëse nuk keni ndonjë përmirësim deri në ditën e nesërme, atëherë kontaktoni menjëherë mjekun tuaj. Asnjëherë mos u mundoni ta mjekoni vetë plagën e marrë, apo të përdorni ilaçe të cilat nuk ju ka rekomanduar mjeku, pasi ato mund t’ju shkaktojnë irritim dhe ndjesi djegie. Nëse infeksioni për pacientët të cilët vuajnë nga diabeti, nuk trajtohet menjëherë do të kenë nevojë të përdorin antibiotikë oral (nga goja) dhe nëse lëndimi është i rëndë, atëherë mund të jetë i nevojshëm mjekimi spitalor apo ndërhyrja kirurgjikale. Në rastin më të keq, infeksionet të cilat nuk janë trajtuar në kohë dhe siç duhet, mund të çojnë në amputim të këmbës.
