Mbipesha është një gjendje serioze mjekësore e cila shoqërohet me shumë komplikime shëndetësore. Por pavarësisht të gjithë studimeve mjekësore, paralajmërimeve dhe mesazheve nga mjekët, shkalla e mbipeshës në mbarë botën vazhdon të rritet. Dr. Nadica Bozhinovska-Dimova, specialiste e endokrinologjisë nga Spitali klinik “Acibadem Sistina”, shpjegon se studimi i fundit i publikuar në këtë temë në revistën e njohur mjekësore “Lancet” tregon se mbipesha për periudhën nga viti 1990 deri në vitin 2022 tek të rriturit është dyfishuar ndërsa tek fëmijët dhe adoleshentët është katërfishuar. Aktualisht, më shumë se 1 miliard njerëz në botë jetojnë me mbipeshë.
“Fatkeqësisht, vendi ynë ndjek këtë trend. Sipas të dhënave të fundit zyrtare, ka një rritje serioze të mbipeshës në çdo moshë. Nga Instituti për Shëndet Publik (ISHP) thonë se rreth 28.4% e të rriturve janë obezë. Ky është një numër serioz për një vend të vogël si i vendi ynë, shifrat për fëmijët obezë janë edhe më të frikshme. Sipas ISHP, mbi 30% e fëmijëve të moshës 6 deri 9 vjeç janë mbipeshë, madje 13.8% e tyre përballen me mbipeshë ekstreme. Shumica e këtyre fëmijëve jetojnë në zona urbane, ku aktiviteti fizik është i ulët ndërsa ushqimi përbëhet nga vakte të përpunuara dhe energjetike. D.m.th. fëmijët marrin kalori që nuk i harxhojnë”, shpjegon Dr. Dimova.
Këto fakte dhe shifra ekstreme duhet të na shqetësojnë. Duhet një zgjidhje shëndetësore, sociale dhe shoqërore, sepse mbipesha dhe trajtimi dhe parandalimi janë komplekse.
TRAJTIM MJEKËSOR “AS SLIM BODY CENTRE” PËR HUMBJE TË SHËNDETSHME TË PESHËS
Në Spitalin klinik “Acibadem Sistina” funksionon qendra për trajtimin e mbipeshës “A/S Slim Body Center”, e cila bazohet në qasje multidisiplinare dhe bashkëpunimin e reparteve. Sipas këtij koncepti të ri pacientët trajtohen në mënyrë të detajuar, me një trajtim mjekësor dhe të sinkronizuar për ata pacientë që përballen me mbipeshë.
Në këtë qendër nuk bëhet diskriminim përsa i përket moshës, në “Slim Body Center” janë përfshirë pediatër që kujdesen për fëmijët, si dhe mjekë internistë dhe kirurgë për popullatën e rritur. Përparësitë kryesore e kësaj qendre është mundësia për vlerësimit e pacientëve dhe në këtë mënyrë fillon trajtimi i mbipeshës ndërsa koncepti mund të batohet tek fëmijët dhe të rriturit që kanë probleme me peshën e shtuar. Bëhet fjalë për mjekësi të bazuar në prova, domethënë mbulohen të gjitha aspektet mjekësore të mbipeshës dhe trajtimin e saj, si dhe për trajtimin e komplikimeve të mundshme. Qëllimi është që pacienti ta arrijë peshën e shëndetshme, por edhe të parandalohen komplikimet e mundshme për shkak të mbipeshës, pra të njihen në kohë rreziqet dhe të veprohet në përputhje me to.
ÇDO FËMIJË I TRETË KA PROBLEME ME MBIPESHË
Problemi me mbipeshën tek fëmijët, i cili për shkak të stilit të jetesës së shpejtë dhe moderne po shndërrohet në epidemi dhe është një sfidë për mjekët dhe prindërit. Mbipesha tek fëmijët sjell ndikon në cilësinë e jetës, e me këtë edhe në shfaqjen e shumë rreziqeve për shëndetin, shpjegon doktoresha Natasha Çuçkova-Nikçevska, specialiste e pediatrisë.
Në “A/S Slim Body Center#, mbipesha tek fëmijët trajtohet me një qasje multidisiplinare. Fillimisht fillon me ekzaminimin e mjekut gastroenterohepatolog, i cili bën vlerësimin fillestar dhe vazhdon me eko të barkut, ekzaminimin kardiologjik pediatrik dhe analizat e duhura laboratorike. Gjatë ndjekjes së fëmijëve, përfshihet një vlerësim nutricionistik dhe përpunimi i një diete të detajuar dhe plan trajtimi.
“Për fëmijët që kanë problem me mbipeshë mjekët rekomandojnë edhe aktivitet të rregullt fizik. Prandaj në këtë koncept kemi përfshirë edhe trajnerë fitnesi të cilët përgatisin plane të përshtatshme për moshën e fëmijës”, shpjegon Dr. Çuçkova-Nikçevska.
Në varësi të nevojës, në trajtim mund të përfshihen specialistë shtesë si endokrinolog, ortoped, psikiatër etj.
