Zemra e gruas është konsideruar gjithmonë si më e ndjeshme në krahasim me zemrën e burrit. Në fakt kjo është e vërtetë. Zemra e gruas është më e vogël, më e ndjeshme ndaj ndryshimeve, dhe e përballon më me vështirsi infarktin në krahasim me zemrën e burrit. Edhe përkrah faktit që gjithmonë është konsideruar se meshkujt janë më të prekur ndaj sëmundjeve të zemrës, gjysma e grave në mbarë botën vdesin si rezultat i çrregullimeve kardiovaskulare mbi moshën 40 vjeçare.
60 gramë më e lehtë
Zemra e grave është më e vogël e ajo e meshkujve. Nëse zemra e gruas peshon 118 gramë, zemra e mashkullit peshon 60 gramë më tepër.
Vena më të holla dhe më të ndjeshme
Gratë kanë vena më të holla. Mesatarisht, venat e grave janë më të holla 1 mm më të holla se ato të meshkujve.
Kapërcime më të shpeshta të rrahjeve të zemrës (palpitime)
Struktura e valvulave të zemrës së gruas është më e dobët se ajo e meshkujve. Çrregullimet e valvulave dhe problemet me palpitimin janë më të shpeshta tek gratë.
Simptoma të fshehta dhe të ndryshme
Diagnostikimi i sëmundjeve të zemrës tek gratë është më i vështirë, për shkak se nuk shfaqen simtoma të qarta. Shpesh, testi i EKG-së jep rezultate normale. Nëlse tek meshkujt karakteristike është dhimbja në kraharor, gratë zakonisht kanë mungesë të ajrit, dobësi, lodhje dhe fryerje. Prandaj, diagnostikimi i sëmundjeve të zemrës tek gratë, është një sfidë e vërtetë. Për vendosjen e diagnozës tek zemra e gruas, është e nevojshme të bëhen shqyrtime të detajuara.
Janë më pak të përballueshme ndaj sulmit në zemër
Zemra e gruas shërohet më me vështirësi pas sulmit në zemër. Ndryshe nga meshkujt, gratë janë më të rrezikuara ndaj vdekjes pas sulmit në zemër.
Rreh më shpejtë
Zemra e gruas rreh më shpejtë. Nëse numri mesatar i rrahjeve të zemrës tek meshkujt është 70-72, tek gratë varion nga 78-82.
Më e ndjeshme ndaj efekteve anësore të ilaçeve
Zemra e gruas është veçanërisht e ndjeshme ndaj efekteve anësore të ilaçeve . Mundësia për shfaqjen e çrregullimeve të rrahjeve të zemrës është më e madhe tek femrat sesa tek meshkujt.
Venat janë më rezistuese ndaj zhvillimit të sëmundjeve
Edhe pse janë më të ndjeshme dhe më të holla, venat e grave janë më rezistente ndaj sëmundjeve kardiovaskulare. Në krahasim me meshkujt, ekziston një diferencë 10 vjeçare në zhvillimin e sëmundjeve të zemrës tek gratë. Kjo diferencë nuk ekziston më pas menopauzës.
