Pasi ta keni diagnostikuar kancerin e gjirit, hapi tjetër është përcaktimi i fazës ose shkalla e zgjerimit. Përcaktimi i fazës në të cilën ndodhet kanceri, mund të ndihmojë në parashikimin dhe planin e trajtimit. Ndonjëherë nuk mund të përcaktohet shkalla e zgjerimit të kancerit nëse pacienti nuk kryen ndërhyrje kirurgjike.
Analizat dhe procedurat për përcaktimin e nivelit të zgjerimit të kancerit :
- Analizat e gjakut dhe gjaku komplet
- Mamogram në gjirin tjetër
- Rezonancë magnetike e gjirit
- Skan të kockave
- Tomagrafi kompjuterike – KT skan
- PET skan ( Pozotron Emision Tomografi)
Të gjitha këto analiza nuk janë të nevojshme për të gjithë pacientët për të përcaktuar fazën e kancerit. Doktori përzgjedh trajtimin i cili i përshtatet më mirë rastit tuaj.
Fazat e kancerit të gjirit lëvizin nga 0-4. Faza 0 do të thotë se kanceri është i vogël dhe joinvaziv. Ndërsa faza 4 quhet kancer metastatik dhe tregon se kanceri është përhapur edhe në pjesë të tjera të trupit.
