Polineuropatia diabetike (lat. Polyneuropathia diabetic) ose neuropatia, është ndërlikimi më i shpeshtë por ende I pashpjeguar I cili ndodh shfaqet tek pacientët me sëmundje sheqeri. Dr. Tatjana Çepeganova Çangovska neurologe në Spitalin klinik ‘Acibadem Sistina’ shpjegoi se këtë lloj komplikimi e kanë më shumë se 80% e pacientëve me diabet. Shfaqja e neuropatisë nuk varet nga niveli i sheqerit në gjak, ndikon në mënyrë të barabartë tek të dy gjinitë, shfaqet më shpesh tek personat e moshuar dhe ndodh si rezultat I dëmtimit të nervave tek këmbët dhe shputat e këmbëve. Zakonisht preket nervi shiatik dhe degët e tij tek këmbët në mënyrë simetrike.
Si manifestohet sëmundja?
Në fillim, neuropatia shfaqet pa simptoma. Në këtë fazë, ndërkohë që ende nuk ka shqetësime mjeku mund të zbulojë humbjen e reflekseve të muskujve dhe çrregullimin e ndjenjës së dhimbjes gjatë prekjes si dhe humbjen e ndjenjës së temperaturës. Simptomat më të shpeshta: djegie, skuqje, mpirje, humbje të ndjeshmërisë gjatë prekjes, temperaturë dhe dhimbje. Mund të shfaqen dhe ngërçe në pëllëmbën e këmbës, dhe rrallë herë tek duart. Në të njejtën kohë mund të shfaqen edhe hipotrofe (humbje e masës muskulore) tek muskujt e vegjël të këmbëve. Ecja vështirësohet dhe të sëmurët e përshkruyjnë atë si ecje në prush. Polineuropatia mund të shkaktojë vështirësi në ecje (parezë), por ndonjëherë tek rastet më të rënda ecja mund të jetë e kufizuar (paralizë). Polineuropatia diabetike karakterizohet si simetri skajore sensorimotor polineuropati. Mund të shfaqen edhe ndryshime trofike në lëkurën e këmbëve (lëkurë e hollë dhe e thatë e cila plasaritet lehtë) si dhe plagë.
Si diagnostikohet sëmundja?
Diagnoza gjendet me anë të kontrollit neurologjik dhe me faktin se pacienti vuan nga sëmundja e diabetit. Konfirmohet me anë të analizave neurofiziologjike,sidomos me elektromioneurografi –EMNG. S[mundja fillon e fshehtë dhe pacienti mund të jetë për një kohë të gjatë pa problem subjektive, por gjithësesi ka dëmtim të nervave. Prandaj është e nevojshme për çdo të sëmurë I cili ka të diagnostikuar sëmundjen e sheqerit, të kryej kontroll neurologjik, dhe nëse është e nevojshme të kryhen ekzaminime neurofiziologjike që të parandalohet shfaqja e polineuropatisë diabetike ose nëse ekziston të paktën të vihet nën kontroll zhvillimi i kësaj sëmundje.
Si trajtohet polineuropatia diabetike?
Që të parandalohet neuropatia, është e nevojshme që të ruhet niveli normal I sheqerit në gjak, të reduktohet pesha trupore, të ruhet kontrolli I nivelit të yndyrës në serum, të ndalohet pirja e duhanit dhe konsumimi I tepërt I alkoolit. Vitet e para të shfaqjes së sëmundjes janë kritike për zhvillimin e neuropatisë, nëse kjo sëmundje shfaqet në një formë të lehtë dhe trajtohet rregullisht, ka shumë gjasa që gjatë viteve të ardhshme kjo sëmundje të mos përkeqësohet dhe të mbahet nën kontroll. Megjithatë, format më të rënda të neuropatisë, gjenden tek ata persona të cilët nuk e kanë nën këntroll sëmundjen e diabetit. Trajtimi bazohet në aplikimin e acidit alfa-lipoik, në një doze ditore prej 600 mg. infusion për një periudhë tre javore dhe më pas në formë orale për një periudhë më të gjatë. Përdorimi I hershëm I këtij ilaçi, mund ti parandalojë pasojat e neuropatisë diabetike. Për reduktimin e dhimbjeve, jepen analgjetikë dhe rekopmandohet trajtim fizikal në fazat e fundit të sëmundjes.
