Formula për humbjen e peshës trupore është e thjeshtë. Konsumoni më pak kalori dhe shpenzojini ato më tepër. Nëse jeni duke kërkuar ushqimin i cili do t’ju mbajë më gjatë të ngopur, dhe nga ana tjetër të jetë i pasur me të gjitha proteinat dhe lëndët ushqyese, atëherë lexoni listën tonë të produkteve:
Fasulja
Fasulja është produkti numër një në listën tonë, ajo është pasur me fibra dhe proteina. Një avantazh tjetër i këtij prodkti është se mund të gjendet lehtësisht në çdo stinë të vitit dhe nuk është një produkt i shtrenjtë. Organizmit i duhet më tepër kohë për ta tretur fasulen, prandaj, ju nuk do të ndiheni shpejt të uritur dhe nuk do të kërkoni të ushqeheni përsëri , të paktën jo për një kohë më të gjatë.
Supa
Është mirë që ta nisni vaktin tuaj me një supë, nuk ka rëndësi nëse supa është kremoze apo e hollë, ajo do t’ju bëjë të ndiheni të ngopur dhe kështu ju gjatë vaktit tuaj të rradhës do të ushqeheni më pak.
Çokollata e errët
Edhe pse shpesh thuhet se nuk duhet të konsumoni çokollatë, kjo nuk vlen për çokollatën e errët. Rezultatet e një studimi të kryer rreth çokollatës së errët kanë treguar se konsumimi i çokollatës së errët, ju ndihmon në humbjen e peshës tuaj trupore. Të anketuarit të cilët kanë konsumuar çokollatë të errët, kanë treguar se pas disa orësh kanë ngrënë 15% më pak picë në krahasim me atë të cilët kishin konsumuar çokollatë me bazë qumështi.
Pure perimesh
Zgjidhni çfarë do lloj perimi dhe bëjeni atë pure. Do të konsumoni një vakt të shëndetshëm dhe do të kurseni kalori.
Konsumoni vezë në mëngjes
Mëngjesi i pasur me proteina do t’ju mbajë të ngopur gjatë gjithë ditës. Këtë gjë e konfirmoi edhe studimi i kryer ndaj dy grupeve ndaj grave me mbipeshë trupore. Efekti i ngopjes i arritur nga mëngjesi me proteina, ka treguar se është më afatgjatë ndaj grave të cilat kishin konsumuar vezë gjatë vaktit të mëngjesit, ndryshe nga gratë të cilat kishin konsumuar drithëra.
Molla
Frutat e freskëta ju bëjnë të ndiheni më të ngopur në krahasim me lëngjet e frutave. Prandaj në vënd që ti shtrydhni frutat, është më mirë që ti konsumoni ato në formë fryti. Frutat e freskëta përmbajnë më tepër fibra . Përveç këtij fakti, një tjetër fakt interesant është se gjatë përtypjes, ne i japim sinjal trurit se jemi duke ngrënë.
Kosi
Kosi jep rezultate të shkëlqyera për reduktimin e perimetrit të belit. Studimi i kryer në Universitetin “Harvard” i cili përfshin më shumë se 120.000 persona të cilët ishin ndjekur për 10 vjet me rradhë, ka treguar se kosi ndihmon më tepër në reduktimin e peshës në krahasim me të gjitha produktet e tjera të cilat ishin pjesë e këtij studimi.
Blini në mënyrë të mënçur
Para se të dilni në pazar, bëni një listë të ushqimeve të cilat ju nevojiten. Në këtë mënyrë do të blini vetëm ato ushqime të cilat në të vërtetë ju duhen, pa pasur nevojë që të drejtoheni nëpër ato vende ku ndodhen patatinat dhe ëmbëlsirat.
