Lidhja e shëndetit me ushqimin është vërtetuar prej kohësh, kështu që kur ti mbledhim efektet e osteoporozës, të cilat në rastin më të keq kanë të bëjnë me thyerjen e kockave, gjë e cila më pas mund të shkaktojë një shkallë të lartë të invaliditetit, reduktimit të aftësisë produktive, madje edhe me pasojat fatale për jetën, është mëse e qartë se sa vëmendje duhet ti kushtohet parandalimit të kësaj sëmundje.
Osteoporoza është një sëmundje e kockave e cila redukton dendësinë dhe cilësinë e indit kockor. Ekzistojnë më shumë faktorë rreziku të cilët ndikojnë në shfaqjen e osteopenisë dhe osteoporozës, por tek disa nga këta faktorë, sado që të mundohemi nuk mund të ndikojmë. Këto procese kanë të bëjnë me plakjen, gjininë dhe me përdorimin e ilaçeve kortikosteroide të cilat I përdorni për shkak të trajtimit të sëmundjeve të tjera. Besohet se edhe heqja dorë nga nikotina është një faktor rreziku I cili nik është e lehtë të vendoset në grupin e ndryshimeve të lehta! Prandaj dietologët theksojnë se është e domosdoshme që ti kushtohet vëmendje ushqimit të duhur pasi ushqimi është faktor i rëndësishëm rreziku i kësaj sëmundje. Pavarësisht se për çfarë lloj osteoporoze bëhet fjalë (primare apo sekondare) Dr. Aleksandra Haxhi Dimova, dietologe në spitalin klinik “Acibadem Sistina” thekson se stili i shëndetshëm i jetesës, duke përfshirë ushqimin e duhur për kockat, me ruajtjen e peshës optimale të trupit dhe praktikimin e aktivitetit fizik, janë hapat e pare dhe më domethënës në luftën kundër osteoporozës. Bëni kujdes, pasi që në moshë të re, diku rreth moshes 30 vjeçare, arrihet dendësia më e madhe e kockës, dhe më pas, gradualisht me kalimin e viteve dendësia e tyre reduktohet. Tek gratë, pas menopauzës, reduktimi I dendësis së kockës është 5-10 herë më I shpejtë, si rezultat i çekuilibrimit të hormonit të estrogjenit, progesteronit dhe glukokortikoideve (kjo sëmundje është më e zakonshme tek femrat). Për këtë arsye, është vërtetë e rëndësishme në këtë periudhë aktive të jetës, skeleti të jetë sa më I shëndetshëm dhe më I fortë, ndërsa për të pasur kocka të forta është e rëndësishme marrja e kalciumit, magnezit, vitaminës D dhe aktiviteti fizik I rregullt (lëvizje, ecje ).
Parandalimi
Ushimi për parandalimin e osteoporozës është i pasur me kalcium i cili ndikon në ruajtjen e balancimit të kalciumfosforit: peshku i vogël blu i detit, duhet të konsumohet komplet, së bashku me kockat, më pas fruta të thata (arra, bajame, etj.) , produkte qumështi të fermentuara, perime me gjethe, si dhe lakër jeshile, e cila njihet si mbretëresha e kalciumit. Farat e susamit, brokula, djathi tofu, lakra e brukselit , të gjitha këto ushqime janë gjithashtu të pasura me kalcium. Lëngu i karrotës dhe lëngu i portokallit duhet të jenë gjithmonë pjesë e tavolinës tuaj për parandalimin dhe trajtimin e osteoporozës.
Absorbimi i duhur i kalciumit
Për të ruajtur kalciumin në kocka dhe tek dhëmbët, tek indet e buta dhe rreth nyjeve, është e nevojshme sasia e mjaftueshme e magnezit. Edhe pse janë të kundërta përsa i përket ndikimit të tyre në organizëm, magnezi dhe kalciumi veprojnë së bashku, si rezultat i gjendrave paratiroide, si dhe për shkak të balancit të tyre me fosfor. Edhe pse përqëndrimi i magnezit është i ulët, përqëndrimi i kalciumit duhet të rritet në mënyrë që të përmirësohet balancimi, dhe absorbimi i kalciumit arrin tek kockat dhe dhëmbët. Prandaj është shumë e rëndësishme që të ruhet shëndeti i gjendrës tiroide dhe paratiroide. Kujdes të veçantë duhet të tregojnë personat të cilët ushqehen me kryesisht me ushqime të rafinuara. Kokrrat e drithrave ( të përgatitura siç duhet , duke i njomur), bishtajat, frutat e thata, havjari, perimet me gjethe, limoni, angjinarja – të gjitha këto janë ushqime të pasura me magnez. Lakra gjithashtu përmban pishë, e cila rrit nivelin e hormonit të estrogjenit, dhe është pikërisht kjo, ajo e cila i ruan kockat.
Vitamina D
Vitamina D e cila është e rëndësishme për metabolizmin e kalciumit dhe fosforit, orgnizmi i njeriut e prodhon vetë atë, me anë të marrjes së rrezeve të diellit. Kjo vitaminë është tepër e rëndësishme pasi pa të, kalciumi nuk mund të absorbohet apo nuk mund të kalojë nga zorra në gjak, dhe nëse kalciumi nuk është i mjaftueshëm në gjak, atëherë nuk do të jetë i pranishëm tek kockat. Por qëndrimi në punë, në ambiente të mbyllura, të jetuarit në ambiente të mbyllura, si dhe shmangia e konsumit të yndyrës e cila është e pasur me këtë vitaminë, të gjitha së bashku kontribuojnë në deficitin apo mungesën e vitaminës D. Vaji i peshkut, verdhëza e vezës, salmoni, harenga, mëlçia e viçit, spinaqi, rrepa, karrota, kërputhat champingnon, janë ushqime të pasura me kalori dhe vitaminë D.
