Shpesh ky emocion shfaqet sepse njerëzit në një moment të caktuar ndjejnë se duhet të ndalen me menyrën e tyre të zakonshme të jetesës dhe duhet të mesohen të jetojnë me një gjendje të re. Mërzitja dhe zemërimi janë dy gjendje mëse normale tek personat të cilët tashmë janë të diagnostikuar me kancer. Edhe pse zemërimi ësht reagimi i parë emocional, mërzitja mund të zhvillohet gjatë periudhëps së trajtimit. Zakonisht ky emocion shfaqet për shkak se njerëzit në një moment të caktuar ndjejnë se duhet të ndalen me menyrën e tyre të zakonshme të jetesës dhe duhet të mesohen të jetojnë me një gjendje të re. Shumë njerëz pyesin veten “përse unë?”.
Ndonjëherë edhe efektet anësore të terapisë me rrezatim dhe të kimioterapisë, siç janë problemet me fjetjen, lodhjen, dhimbjet, të vjellat, rënien e flokëve, bëjnë që edhe pacientët më optimistë të zhgënjehen dhe të nervozohen. Dr. Vladimir Ortakov, neuropsikiatër në spitalin klinik “Acibadem Sistina”, shpjegon se shumë njerëz të cilët jetojnë me kancer, ndihen fajtorë dhe të zemëruar, shpesh nuk dinë çfarë të bëjnë për ti shprehur ndjenjat e tyre. Si rezultat i kësaj ata shpesh bien në depresion, duke kërkuar shërim për zemërimin e tyre tek alkooli apo droga.
Përballja me zemërimin
Mënyra më e mirë për tu përballur me zemërimin, është që të identifikohet dhe të gjendet mënyra më e mirë për tu shprehur. Dr. Ortakov këshillon se si të përballeni kur t’ju gllabërojë ndjenja e zemërimit:
Pranojeni zemërimin tuaj – pranojeni se jeni të mërzitur dhe të zemëruar për shkak të sëmundjes, dhe mundohuni që të ndryshoni. Shpresa dhe ndjenja pozitive,do t’ju ndihmojnë që ta kaloni më lehtë procesin e trajtimit apo shërimit. Shprehja e emocioneve është shumë më e lehtë se ti mbani fshehur ato.
Mos e përcillni zemërimin tek personat e afërt – pacientët të cilët vuajnë nga kanceri shpesh përqëndrohen në sëmundjen e tyre dhe nuk e vërejnë vëmendjen dhe kujdesin e personave të afërt, për të cilën kanë më tepër nevojë në ato momente.
Mos vini maskë –ndonjëherë është shumë më e lehtë që zemërimin dhe mërzitjen ta ndani me njerëzit e afërt, në vend që të vini maskë duke u shtirur dhe duke përcjellë ndjenja të rreme, ndërkohë që vuajtja nga zemërimi juaj rritet akoma më tepër. Bisedoni me personat tuaj të afërt, ata janë gjithnjë pranë jush, pranë tyre mund të qani dh eta shprehni frikën që ndjeni. Bëjuni të ditur atyre se ata janë të dashur edhe atëherë kur ju jeni të zemëruar dhe të inatosur. Nëse e kontrolloni siç duhet zemërimin, ky mund të jetë një burim i energjisë pozitive që do t’ju bëjë të luftoni me sëmundjen duke I ndyshuar gjërat për mirë. Zemërimi ndaj kancerit mund t’ju japë forcë për të kapërcyer të gjitha sfidat gjatë trajtimit për tu shëruar.
- Bisedoni për arsyet e zemërimit dhe të tërbimit që ndjeni
- Merruni me ndonjë aktivitet fizik me intenzitet të plotë gjatë nervozizmit
- Merruni me ndonjë sport të veçantë I cili do t’ju ndihmojë që të nxirrni të gjithë energjinë negative
- Shkoni në pyllin më të afërt dhe bërtisni me të gjithë zërin, ose shkoni në ndonjë ngjarje sportive
- Bisedoni me ndonjë psikjatër në lidhje me zemërimin tuaj
- Bëni joga, dëgjoni muzikë ose merruni me art dhe çlirohuni nga ndjenjat negative
- Anëtarësohuni në grupe për mbështetje të pacientëve me kancer, dhe ndani përvojën tuaj me personat e tjerë të grupit
