Pas elektrokardiogramit (EKG) ekokardiografia ose ekoja e zemrës, zakonisht është shqyrtimi joinvaziv i zemrës. Dr. Bushljetiq, kardiolog intervent në Acibadem Sistina, shpjegon se kontrolli kardiologjik nuk është i plotë nëse nuk kryhet eko e zemrës. Ky kontroll shërben për të matur madhësinë e të gjitha pjesëve të zemrës “fuqinë e pompës” së zemrës si dhe ndërtimin dhe funksionimin e valvulave. Këto parametra lejojnë zbulimin e sëmundjeve të ndryshme të zemrës, monitorimin e sëmundjes dhe efektet e trajtimit.
Disavantazhet e ekos klasike të zemrës (ekokardiografi dy-dimensionale)
Deri tani, në kontrollet e përditshme përdorej ekokardiografi dy dimensionale gjatë të cilës disa pjesë të zemrës duken si një foto me dy dimensione. Ky kontroll ka disavantazhet e veta, për shkak të këtij përfaqësimi dy dimensional të zemrës. Shfaqen dallime tepër të mëdha në vlerat e matura të madhësisë së zemrës pasi matjet varen nga këndi nga ku shikohet zemra. Këto ndryshime janë veçanërisht të theksuara tek pacientët e shëndoshë, tepër të dobët, tek njerëzit me kraharor të zgjeruar, etj. Gjithashtu, disa pjesë të zemrës janë të vështira për tu parë, prandaj dhe shpesh ndodh që të jepet diagnozë e gabuar.
Pamje tre-dimensionale e zemrës në kohë reale
Të gjitha këto mungesa kapërcehen me pajisjen e gjeneratës së re të aparateve me ultratingull me pamje tre-dimensionale të zemrës. Gjatë të cilës, disa pjesë të zemrës duken si “skulpturë” me tre dimensione gjatë kohës së kontrollit (real time 3D). Me ekokardiografinë 3D, marrim matje reale dhe të sakta të hapësirave të zemrës, siç është vëllimi dhe ndjekja e devijimeve më të vogla, ndryshe nga ekoja 2D e cila nuk e ka këtë ndjeshmëri. Kjo është veçanërisht e rëndësishme për monitorimin e efekteve gjatë trajtimit. Vlerësimi në kohë do të mundësojë ndryshimin e ilaçeve ose dozën e ilaçeve para se të përkeqësohet gjendja shëndetësore.
Dr. Oliver Bushljetiq, kardiolog intervent, shpjegon se tek pacientët me infarkt në zemër, kryejmë sa më shpejtë të jetë e mundur koronografi ( imazhe të arterieve koronare) dhe më pas hapet arteria e mbyllur me anë të vendosjes së stentit. Por trajtimi nuk përfundon këtu, por vazhdon me kryerjen e kontrolleve të rregullta të zemrës me eko. Tani, me pajisjen më të re të cilën e disponojmë në departamentin tonë, eko 3D e zemrës, është tashmë pjesë rutinë e punës tonë të përditshme. Kjo eko, lejon monitorimin e të gjitha ndryshimeve të muskulit të zemrës dhe në varësi të rezultateve të mund të ndryshojmë ilaçet apo dozën e tyre.
Ekoja 3D mundëson zbulimin ne ndryshimeve më të vogla të funksionimit të zemrës, edhe atëherë kur pacientët nuk ndjejnë asgjë dhe kur me anë të ekos 2D të zemrës meret konstatim normal. Zbulimi i hershëm i këtyre sëmundjeve, mundëson trajtim të suksesshëm.
Ndryshe nga ekokardiografia 2D, matjet me 3D janë shumë të shpejta, pacientit i jepen shpejtë rezultatet dhe pa ndonjë dallim të madh të çmimit për këtë kontroll. Spitali klinik “Acibadem Sistina” është i pajisur me eko aparatin më bashkëkohorë të prodhuesit amerikan GE, Е 95,aparat të cilin premiera botërore e ka patur para 4 muajsh.
