Во текот на зимата потребни ни се 8-9 часа квалитетен одмор за обновување на силите, но не заборавајте дека сонот подолг од 10 часа може да му наштети на нашиот организам. За да се чувствуваме добро и во зима, мора да внимаваме на нашиот сон. Пред да си легнете проветрете ја собата во која спиете, потоа внимавајте на влажноста на воздухот и висината на перницата.
Контролирајте ја температурата на собата во која спиете, истражувањата покажуваат дека идеалната температура во спалната соба треба да изнесува од 18 до 20 степени. Доколку ви е претопло или преладно, голема е веројатноста дека често ќе се будите и нема да имате убав сон. Внимавајте и на облеката, не се облекувајте премногу пред спиење. Доколку имате премногу облека на себе, ќе се препотите. Затоа облечете си лесни пижами и покријте се со дебела прекривка. Обрнете внимание и на светлината во спалната соба. Отстранете ги сите предмети кои произведуваат каков било вид светлина. Сепак, најдобро се спие во темна соба. Истражувањата покажуваат дека светлината е моќна сила која може да го разбуди вашиот мозок далеку пред алармот од часовникот или мобилниот телефон.
За добар зимски сон треба да водите сметка и на храната што ќе ја изедете пред спиење. Мрсната и тешка храна ќе предизвика несоница, чоколадото и кофеинот, пак, ќе ве расонат и раздвижат. Затоа најдобар совет е пред спиење да изедете парче овошје или зеленчук.
Запомнете, добриот сон влијае врз подобрување на меморијата, размислувањето и перцепцијата, затоа дозволете си сон каков што заслужувате!
