Останете во игра и научете како да го слушате вашето тело со цел да избегнете повреда.
Повредите кои се јавуваат како резултат на „истрошеност“ на мускулите, тетивите и зглобовите можат да значат крај за физичката активност на многу луѓе, од професионалните спортисти до аматерите. Постојаниот притисок на овие делови од телото може да доведе до болни колена, изместени потколеници, тениски лакот итн. Сите овие проблеми се случуваат кога пробуваме да направиме премногу, да употребиме преголем напор за многу кратко време. Исто така, недоволниот одмор и слабата опрема можат да доведат до оваа состојба.
Доколку имате истегнат лигамент или зглоб, на почетокот имате минимална болка, но со постојано напрегање болката се зголемува, а проблемот може да ве оддалечи од спортските, па и секојдневните активности.
Најчестите повреди од ваков тип вклучуваат:
– Тениски лакот
– Пливачко рамо
– Тркачко колено
– Ахилова тетива
– Плантарен фасцитис
– Фрактури
Со цел да ги избегнете овие повреди без да се лишувате од вежбање, следете ги овие правила:
Зголемувајте го интензитетот и времетраењето на вежбањето постепено. Секогаш следете го правилото 10%. Не зголемувајте го времетраењето на вежбање или рутата на трчање за повеќе од 10% на неделно ниво. На пример, доколку трчате 20 километри во една недела, наредната недела додајте уште два километри или помалку.
Загрејте се и истегнете се. Загрејте се 5 минути пред главната активност, со тоа што ќе вежбате со послаб интензитет, а потоа истегнувајте се пола минута. По вежбањето, одморете 5 минути и повторно истегнете се.
Одморете се кога имате потреба. Заморот може да ги зголеми ризиците од повреда, па затоа дозволете му на телото да се одмори и да закрепне. Во вашиот распоред за вежбање вклучете и денови за одмор.
Правете различни вежби со што ќе им дозволите на зглобовите и мускулите да одморат. Доколку повеќе сте фокусирани на трчањето, вметнете и некои вежби со што ќе ги одморите зглобовите за кратко.
Убаво проучете ја секоја нова техника. Кога сакате да импровизирате со некоја друга техника или нова опрема за вежбање мора да се консултирате со некој кој има повеќе искуство со истата.
Набавете ја соодветната опрема. Одберете соодветни патики за активноста која најчесто ја практикувате и менувајте ги кога ќе ги износите. Доколку почесто трчате, снабдете се со специјални патики за трчање.
Пред сѐ, слушајте ги знаците кои ви ги кажува вашето тело. Не игнорирајте ја болката, таа може да ви каже дека тоа место има ризик повреда.
Запомнете, понекогаш е подобро да одморите еден или два дена отколку по две недели да се најдете во состојба да чекате да ви заздрави повредата.
